大丸和風食堂 (已結業)

今日放假约咗朋友去旺角行街,喺旺角真系好多嘢行,行完喺附近揾啲嘢食下,无意中去咗一间日式餐厅,啲嘢好好食,价钱又唔贵所以喺度推介一下。大丸和风食堂,地址系旺角通菜街75号舖,餐厅装修得好整洁,而且地方阔落,喺度食饭倾计都几舒适。刺身拼盘 248元, 刺身拼盘卖相好吸引,有海胆,三文鱼,吞拿鱼,赤虾,用块紫菜加少少海胆,入口味道好鲜甜,有种甘香味, 三文鱼腩有啲油脂香味,口感爽甜真系冇得弹,食得出三文鱼好新鲜。明太子鸡翼 48元,鸡翼烧到啱啱好,鸡皮有阵阵嘅焦香味,加上明太子嘅味道令到鸡肉更加香,入面嘅鸡肉仲要好嫩滑,好juicy。照烧鱿鱼筒 88元,呢个鱿鱼筒好值得推介,鱿鱼食落去好爽口好弹牙,加上秘制嘅酱汁令到鱿鱼嘅鲜味更加突出,最钟意就系佢放𠮶啲芝麻令到味道更加有层次。和牛串烧 2串 68元,和牛一上台我已经流口水,卖相真系好吸引, 入口牛肉味好香浓有入口即溶嘅感觉,加上烧到啱啱好唔会太熟,食落去特别嫩滑。呢个和牛串真系好好味。锅仔手打乌冬 78元,手打乌冬食落去特别有咬口面身爽口弹牙,加上一只日本蛋,令到乌冬味道更加鲜甜入口更加香滑又够饱肚