富豪餅店

营业中

休息中

第一次买富豪饼店嘅曲奇同酥，见佢包装几靓，价钱又唔特别贵，所以就试下，冇谂到味道唔错！两盒拆开都有张咁嘅纸，望落去感觉几干净。曲奇饼有几款，我拣左至尊情脆，有双重朱古力曲奇同埋腰果曲奇。每样有八块，一共有十六块，而且系独立包装。曲奇牛油味唔算浓，可能因为我唔系拣牛油曲奇。朱古力味几浓，唔会过甜。腰果曲奇几香，有少少腰果粒。两款都几香脆酥化，咁嘅价钱真系唔错！腰果酥冇独立包装，不过打开都觉得好靓，一共有十八粒，每一粒面头都有腰果。食落去好重果仁香，而且系超级松化，好香好脆，口入面会充满住牛油同腰果香。个人觉得比曲奇更加好食！