瑰花甜戀愛甜品屋 (已結業)

装修后反而更抵食？贵花甜司令以前都介绍过，唔见一排，竟然有全新装修，仲改左名做瑰花甜。望左一望佢地个menu，款式同以前既差不多，不过，竟然平过以前😦，唔系唔再试啊嘛？ 特浓朱古力心太软($46)本身司令想食既系酒心心太软，不过卖晒试唔到😭。唯有食返普通既心太软啦，上枱热辣辣，入面既流心唔系稀身既，所以切开之后以一个慢速既速度流出，差少少爆发力啰🤔。不过个流心的确好浓㖞，配埋冰冻雪糕冇得输。 士多啤梨🍓拿破伦 ($35)拿破伦上枱司令即刻影影影📸，因为实在太靓啦！拿破伦酥皮偏硬，所以司令食嘅时候都要分开一片片食，甜甜嘅cream配上酸酸嘅士多啤梨🍓绝对唔腻，而且咁嘅价钱司令真系好满意！