影片
更多
2022-12-20
319 浏览
晚市，时间八点多，理应人潮如沸。就系唔想等，所以先稍移玉步黎到呢间门可罗雀嘅“港里冰厅”。餐厅内只坐住三枱客，唉！已知中伏，心知不妙。就点个唔会点死得人嘅“海南鸡油饭”啦。侍应叔叔送到嚟，竟然系碟「柴皮海南鸡［白］饭」。当下礼貌地问：“唔系油饭咩？”侍应叔叔应该输左波，叹住气咁话：“依家几点啦，边度仲有油饭，白饭，你要唔要呀？！” “收到，唔该晒师傅！”于是，开始我嘅艰苦食程。碟上面嘅海南鸡应该真系由海南岛坐船黎，因为佢好老、好柴、好干。佢冇两岁，都应该有23个月大。呢种老鸡最适宜攞嚟炖汤畀老妈子或者屋企产后嘅孕妇。老板肯定大手入左批老鸡，攞黎拖拖水，咁就既可以煲啖汤畀产后嘅二奶饮，又可以斩咗啲鸡拎出嚟卖，一举两得，真系旷世奇才。好！鸡唔得，我就食你啖白饭！！！不过，正所谓：“食碗面，反碗底，呢啖白饭系三夹底！”我条命已经够硬，但都敌唔过口中呢担“硬米”。我份人就好正面嘅，上天一定见我呢排肥咗唔少，就藉住呢餐等我谷住道气，系冇饭落肚嘅情况下乘机可以瘦返两磅。为我嘅人生下半场注入唔少动力。多谢，多谢“港里”！
就点个唔会点死得人嘅“海南鸡油饭”啦。侍应叔叔送到嚟，竟然系碟「柴皮海南鸡［白］饭」。当下礼貌地问：“唔系油饭咩？”侍应叔叔应该输左波，叹住气咁话：“依家几点啦，边度仲有油饭，白饭，你要唔要呀？！” “收到，唔该晒师傅！”
于是，开始我嘅艰苦食程。碟上面嘅海南鸡应该真系由海南岛坐船黎，因为佢好老、好柴、好干。佢冇两岁，都应该有23个月大。呢种老鸡最适宜攞嚟炖汤畀老妈子或者屋企产后嘅孕妇。老板肯定大手入左批老鸡，攞黎拖拖水，咁就既可以煲啖汤畀产后嘅二奶饮，又可以斩咗啲鸡拎出嚟卖，一举两得，真系旷世奇才。
好！鸡唔得，我就食你啖白饭！！！不过，正所谓：“食碗面，反碗底，呢啖白饭系三夹底！”我条命已经够硬，但都敌唔过口中呢担“硬米”。
我份人就好正面嘅，上天一定见我呢排肥咗唔少，就藉住呢餐等我谷住道气，系冇饭落肚嘅情况下乘机可以瘦返两磅。为我嘅人生下半场注入唔少动力。多谢，多谢“港里”！
海南鸡油饭
$63
37 浏览
0 赞好
0 留言
张贴
