港里冰廳 (廟街)

营业中

休息中

店舖光猛企理都冇用，服務太惡劣，特別唔太高果位男服務員。入店時間17:30，點三個餐，服務員黑口黑面、唔執枱、冇落單/落錯單，茶記要你等45分鐘先確認到廚房冇收order煮野，不吃也罷。全程係，等左五分鐘拎兩碗碟浸娃娃菜，再等五分鐘，服務員話例湯煲緊食住菜先，又再等五分鐘，放低三碗湯。慢食菜、慢飲湯都未有野食，問服務員，佢話有落晒單，再等我分鐘，我地再問佢，佢回應冷淡極話有落煮緊，好，我再等，以為你係要六點大廚先返工，等你。。最後18:15，我冇時間了，搵個阿姐問，佢話我哋冇落單！！原來香港服務跌到呢個水平，咁唯有用返佢嘅港式茶記腔問佢同事咩叫「落左單」，駝鳥一樣，縮起左都廢事處理，搵另一個阿姐來講馬上煮好兩分鐘即可上枱。基本禮貌唔識可以係冇家教學教，打開門口做服務性行業嘅基本水準都唔曉嘅茶記，完啦。

侍應態度極差叫極都唔理十問九唔應，叫佢攞辣椒，每個侍應都A字膊。叫咗個乾燒肥牛伊麵，全部牛都係跟，重難咬過香口膠衛生情況欠佳見到啲店員同環境都唔想食有機會嘅朋友連考慮都唔需要考慮

勁嬲，唔想做就返屋企攞綜援囉，成班人都唔想做，完全唔應人，叫佢落單叫幾次先話悔氣地話等等，佢冇特別野做架喎，係要你等囉，黎到又唔落單住，係要你等，決定走人，大家都唔好去唔好阻人hea啦，唔係得我係咁，隔離枱未落完單條友就走左去，位食客叫幾次要熱檸水佢先態度勁差咁話得，頂你，聽到又唔應人，香港點解咁多垃圾。

勁嬲，真係一肚氣諗住去完附近，見肚餓去茶餐廳食黎食去都係果幾味都應該唔會有咩伏四五點，入之前係門口見都有幾枱人心諗過左下午茶時間，無咩人都好正常咁叫左個b 餐，公司意粉見餐牌有寫有沙牛，火腿，蛋，仲有瑞士雞翼喎黎到望左下，好似少左樣野🤔問，係咪搞錯左，無左隻雞翼喎我唔係要叫叉燒呀經理，唔好意思都無句，仲話係呀，無曬喂，你無曬都講聲丫，而家係明屈人要成碗野都係凍嘅啲沙牛凍，叉燒同意粉又有油益味另一個餐咩酸菜帆立貝雲耳米粉喂喂，帆立貝一定係係海底尋左好耐先係碗底搵到兩粒個圖係有四粒，同又無左啲菜苗完全係違反商品說明大佬，成碗野真係無味得一住米粉，真係呆左我明而家飲食好難做但你價錢唔係特別平你都唔好咁hea ，比啲咁嘅質素人人地其他枱都有投訴，話貨不對辦，真係可以完全無反應

首先我要講到明同其他Foodie寫食評嘅朋友冇夾過，呢間嘢真係非常之差，嚴重地違反商品說明條例，我咁啱睇到佢嘅菠蘿油都有同樣嘅情況，而我就叫咗個豬扒包。講返當晚點解會入咗呢一間餐廳先！本身約咗朋友喺附近嘅Ofiice傾嘢，但另外兩位朋友就肚餓，所以入咗去呢一間港里冰廳，我本身說喺佐敦嗰面出口去左嘅彌敦道嗰間，雖然我未食過，但睇落都好過廟街呢一間，希望佢啲餐牌冇違反商品說明條例。再講返個豬扒包，大家可以睇睇餐牌嗰度，佢係有蕃茄生菜一啲像在夾埋個豬扒喺個包入邊，但係佢上到枱嘅時候竟然得兩塊包皮，加一塊乾爭爭又細嘅豬扒豬扒。呢個包成$30仲衰過去啲麵包店買嘅10幾蚊麵包，所以我一定要放上嚟俾大家知道。

中英文都寫左厚切鮮油菠蘿包，上枱個包唔熱，偏晒都算，打開個包，塊牛油細到呢，目測好似薄過一塊面膜。即時舉手搵職員，都舉左一陣，先有個戴眼鏡既男職員遠處問咩事，同男職員表示因為餐牌寫左厚切鮮油，來到塊牛油好似唔夠，想叫佢加番厚啲，佢即時係黑晒面，冇回應會拎定唔拎。等左好耐，先拎一「pat」似溶非溶既牛油過嚟，重要係將碟野「劈」上枱去表明自己既不滿。我哋同枱6個人，每碟野都係「劈」上枱俾我地既。T,T真心幾窮都唔需要再入去食

今日喺佐敦食午餐，佐敦有好多茶餐廳，午飯時間通常都坐滿，一至兩個人食，係要搭枱嘅。今日發現呢間餐廳，原來單單喺佐敦，已經有兩間分店，一間喺彌敦道，比較多人，而另一間喺廟街，午飯時間照樣係坐滿人，不過廟街呢間，會坐得比較舒適。如果一班人來，可以坐閣樓。食物方面，午餐有好多款式可以選擇，臘腸排骨飯、楊州炒飯、咖喱牛腩飯等等，西式嘅有豬扒腸仔意粉、焗白汁雞扒意粉等等。今次我兩個人食，就叫咗「葡汁焗豬扒飯」同埋「鹹魚蒸肉餅飯」。好值得推介係鹹魚蒸肉餅，鹹魚好新鮮，肉餅好香滑，好有住家風味。飲品方面，好鍾意佢嘅奶茶，香滑有茶味。整體食物質素高，價錢合理，午餐平均消費$60/位。

第一次食，好多選擇。時間關係，叫左個“咖喱魚柳飯”，價錢唔使多講，出得黎食，預左貴。但食物質素方面，真係好普通，俾人感覺唔值呢個價。咖喱汁既味道，同其他集團d一樣，不過薯仔比我食過d大粒d；至於魚柳，大小size適中，幾脆，冇乜麵粉感。但敗筆係白飯。d飯好硬，好乾，好似生米。唔知本身個質地係咁，定真係未煲熟，趕時間求其俾客食。如果本身質地係咁，建議換第二個品牌既米，真心難食，咬左好耐先爛。呢個餐一定要慢慢食，食太快，d飯咬唔爛，實啃死！凍飲要加9蚊，平時我食開d冰室咖喱餐配凍飲都係加3，都係普通奶茶。至於衛生方面，基本上餐具，環境，都好污糟，好油，d碗仲發黃，應該用左好耐唔捨得換。應該冇下次🙃（除非餐廳肯改善）

原本打算去點心到用膳 但是看到人龍排出馬路後就換地方在附近看見貴公司在這裡也有分店之前在彌敦道分店食過早餐覺得不錯就進去試試 但當我們在舉手下單的時候居然沒人理會 疑似員工的一 男兩女卻在收銀處聊天玩樂廚房的產品放滿台上也沒人 理會 過了一會收銀處才有一名女生來下單貴公司的員 工質素令人懷疑是沒有管理和培訓

✨黑松露奄列 配薯角呢個黑松露都唔會好多，就係放喺奄列做裝飾😂😂蛋就普通啦～就係平時喺茶記食嘅奄列咁，蛋包火腿絲。如果可以蛋液撈埋黑松露嚟炒可能會更加好食呢🤔🤔反而..我覺得薯角幾好食，外脆脆內實，好似真係食薯仔咁，配上茄汁 非常滿足。

又硬又燶波羅包。咖啡又係燶, 不過都唔夠D侍應面口燶, 我以為得罪咗佢。有位女士半個鐘一直在刷手機傾電話。另一個亞叔不停在食緊嘢嘅客人身邊掃地。唯一係杯奶茶合格可取。囑於本人一次就算, 盡量避免再去之選。

餐肉煎蛋通粉咁簡單都可以做到咁難食真係笑話完全可以給出5星倒評👎👎👎👎👎所謂白豬仔餐肉又凍又乾隔夜咁😑煎蛋最重要嗰2粒蛋黃又裂開全部流落個湯度😒通粉又未煮熱個心凍的🥶🥶🥶湯底更加不知所謂 好似鹽開熱水咁樣🙄 🙄🙄大排檔都好過佢多多聲 去買一包家樂牌快熟通心粉自己煮都好食過佢😋😋😋連杯熱咖啡都好似飲奶 仲要暖的🤮🤮🤮食到咁樣早餐真係火都黎 🤬🤬🤬免費請我都唔會再有下次👋👋👋👋

今天跟朋友第一次去該餐廳食早餐 可以用四個字形容［不知所謂 ］！！！如果不是要在附近取東西都不知道開了這間餐廳 ，不過也沒第二次服務態度跟食物品質真的趕客點餐時跟那個男侍應生說了要煎熟蛋，結果送上來的是炒雞蛋［還跟我們說要點餐的時候說清楚！！！］， 我心想：下單的時候不是跟你說了嗎，你回覆也是煎熟蛋！ 我跟朋友互相對望一下算了當倒霉但沒想到倒霉不只一次吃了一口炒蛋沒想到這份炒蛋居然是冰冷的， 所謂多士也跟沒烘過一樣連牛油也沒有，沙嗲牛肉更完全沒沙嗲味道，我朋友的豬排公仔麵更恐怖，他說豬排跟雪櫃拿出來似的又硬又干又冰冷，奶茶跟奶水一樣完全沒味道，唯一全餐廳最好的應該是朋友的熱檸檬水了

琴日4點左右諗住食下午茶，一行入去嗰阿叔問幾多位。我哋話3位，佢話冇位喎你坐角落頭度啦，我哋已經呆咗，吓明明周圍都係位不過都唔係令我要寫評價嘅原因。坐低睇完食咩之後叫咗佢幾次都唔嚟落單，其實唔想做咪返屋企囉，我地又冇得罪佢，最後因為叫咗好多次都當睇我哋唔到所以我哋決定放棄咗唔食走人，比錢買難受不知所謂！This place is a joke, for some reason there’s only one waiter when we walked in and this old man has the worst attitude I’ve seen. Avoid this crap place and there are plenty of other options available in the area.

😎佐敦 港里餐廳😎喺呢頭上完堂，搵個地方食個快午餐，就入咗呢一間茶餐廳。佢嘅常餐好似幾吸引，就叫咗一個酸菜豬扒米線 $53。酸菜豬扒米線湯底濃郁，酸菜嘅香味好出，米線彈牙好食，豬扒煎得好香，啖啖肉。另外常餐仲包飲品，同埋一個丹麥多士、櫻花蝦炒蛋，好豐富好飽，高質抵食。