影片
更多
2015-08-18
1107 浏览
东南亚菜一向都几钟意，无论越南、星马、泰国……贪其香料味变化多端，继上次去咗南角道嘅「泰式素食」同老婆食咗一餐素食嘅泰国菜晏仔之后，今日再同屋企人嚟食番餐唔素嘅泰国菜午饭。虽然话九龙城有多好泰菜馆，更不乏卧虎藏龙，之但喺小弟就无乜个人心水，不过，啱啱睇过相熟食友对「小曼谷」嘅食评，再Whatsapp问过都话唔错，所以，稳稳阵阵就食依间。大热天时、烈日当空，由乐富港铁站行过嚟都咪话唔辛苦，不过，好彩有巴士直达到附近，真期望快啲有地铁过到嚟九龙城。一入到店内，有别一般传统嘅九龙城泰菜馆，除咗门口无一座座嘅神神佛佛嘢之外，内里亦唔多见有，竹排嘅装饰，半藤半皮嘅座椅，算喺有点点特色，但胜在楼底够晒高，令人感觉宽敞。原以为有啲午市套餐供应，原本星期日喺无嘅，我哋就只好散叫。一大一细两个餐牌，大嘅喺主餐牌，有齐店方所供应嘅食物，如泰式沙嗲串烧、风味海鲜BＢQ、厨师精选、沙律类、炒菜类、饭类、炒河类、咖喱类、炸物类、汤类、饮品及甜品，足足过百款嘢食。而细少少嘅餐牌就主要喺一啲店方嘅推介，或者热卖，包括各个类别，如无个人偏好，大可以晌依个细餐牌着手，集中试啲「精选」。餐牌内有多款沙冰选择，定价唔贵，都
大热天时、烈日当空，由乐富港铁站行过嚟都咪话唔辛苦，不过，好彩有巴士直达到附近，真期望快啲有地铁过到嚟九龙城。一入到店内，有别一般传统嘅九龙城泰菜馆，除咗门口无一座座嘅神神佛佛嘢之外，内里亦唔多见有，竹排嘅装饰，半藤半皮嘅座椅，算喺有点点特色，但胜在楼底够晒高，令人感觉宽敞。
原以为有啲午市套餐供应，原本星期日喺无嘅，我哋就只好散叫。一大一细两个餐牌，大嘅喺主餐牌，有齐店方所供应嘅食物，如泰式沙嗲串烧、风味海鲜BＢQ、厨师精选、沙律类、炒菜类、饭类、炒河类、咖喱类、炸物类、汤类、饮品及甜品，足足过百款嘢食。
而细少少嘅餐牌就主要喺一啲店方嘅推介，或者热卖，包括各个类别，如无个人偏好，大可以晌依个细餐牌着手，集中试啲「精选」。
餐牌内有多款沙冰选择，定价唔贵，都喺$22-$30，有啲特饮如泰式龙眼冰、椰汁冰都喺卖紧$22，饮杯汽水都要$14啦，所以，拣特饮绝对划算啲。
芒果椰汁沙冰 $30以芒果味为主，椰汁味则比较隐约，但芒果味好清甜、好香浓，加上够冰冻，口感又颇绵密，唔会有粒粒冰感，所以，杯沙冰值回票价。
芒果椰汁沙冰
$30
68 浏览
1 赞好
0 留言
椰青 $36家人喜欢饮得天然啲，所以，椰青自然成为佢嘅心水。清澈嘅椰青水椰香清雅，清凉解渴，椰肉嫩滑，轻易就刮到出嚟食。
椰青
$36
44 浏览
1 赞好
0 留言
几款沙律中，都喺对柚子沙律情有独钟，因为贪泰国红柚清甜唔涩又爆汁，果然，个沙律无令人失望，唔单止柚肉多，粒粒饱满多汁，清甜不涩，又洒上花生及干椰丝，增加口感嘅层次度，加上几只爽口嘅大鲜虾，就喺令个沙律锦上添花，让人觉得更抵食，至于个汁做得酸香而带点辣，少少刺激醒胃。
泰式柚子沙律
$78
44 浏览
1 赞好
0 留言
估唔到个咖喱海鲜真喺咁大碟，之前睇老友个食评都唔觉。大碟还大碟，但的确抵食，因为有大头虾、大花甲、青口、鲜鱿，份量十足，仲有唔少配菜，所以，非常丰富。先讲个咖喱，汁底绵滑，微微椰香，辣度十分轻微，整体而言确实唔错。而几款海鲜都好鲜味，喺啲青口麻麻哋，大花甲厚肉鲜甜，鲜鱿口感柔嫩，讲到最有睇头，就梗喺只大头虾啦，轻易拆到啲虾肉，大嚿大嚿咁放入口，仲要沾满咖喱汁，真喺食得不知几爽。
泰皇咖喱炒海鲜
$198
51 浏览
2 赞好
0 留言
泰式原味烤酥饼 $25食咖喱，唔叫个白饭，或者酥饼，真喺会嘥晒啲咖喱汁，所以，点一客泰式原味烤酥饼，再用嚟沾咖喱食，热辣酥香嘅酥饼，夹杂咖喱放入口，真喺一流。
泰式原味烤酥饼
$25
63 浏览
1 赞好
0 留言
原只鲜鱿筒酿糯米饭 $148以上无论啲嘢饮、沙律或咖喱，都做得有水准，临尾，就点个糯米饭垫垫肚，怕大家唔够饱，不过，件鱿筒又好，糯米饭又好，都有过咸嘅情况 。其实，见大厨做依道菜都花咗啲心机，将糯米饭酿入原只鲜鱿筒再烧，再鎅开鱿筒成一件件，配酸辣汁同食，再者，件鱿筒烧得金黄焦香，卖相赚得唔少分，唯可惜咸咗啲，此外，糯米饭亦有少少煮得过烂，算喺失手之作。不过，份量上，食起上嚟就绝对好够饱肚！
原只鲜鱿筒酿糯米饭
$148
68 浏览
2 赞好
0 留言
几样𩠌都上枱快，招呼亦唔错，不过，最后嘅原只鲜鱿筒酿糯米饭就等得好耐，满以为喺「曼」功出细货，却有啲甩漏。因为一道糯米饭嘅失准，所以，只好俾个OK先，希望下次再嚟会做得好啲！
张贴
