影片
更多
2021-10-30
891 浏览
我同朋友身处喺铜锣湾想食泰国菜，第一时间就醒起地库有间「小曼谷泰国美食站」。虽然铜锣湾店就无食过，但九龙城店我可算系由细食到大😉。小曼谷环境唔错，有花心思喺装修方面。基本上未入店内，你已经可以见到门口有大大架火车🚄。同时，呢度座位阔落，冷气充足，客人坐得舒服。餐厅卖嘅泰国菜选择几多🇹🇭，每个类别都有十款八款拣，实在令人眼花撩乱。我哋两条友嗌咗三碟嘢，够食有突。价钱属中上水平，埋单每人二百五蚊左右。极上烧安格斯西冷牛小排($238)，斋睇价钱会觉得牛小排有啲贵，因为都成两嚿几水。🥩不过佢份量都多，切件后分两行排列，夹夹埋埋有成廿嚿。牛小排生熟度控制得宜，肉身呈粉红色，但可能受部位影响，肉质有少少韧。随牛小排搭配翠玉瓜同车厘茄🍅，有清清味蕾嘅作用。小曼谷炒米粉($88)，炒米粉好大碟，卖相几吸引。菜式以餐厅名命名，相信即系杂锦口味🤣。面条用上幼身嘅银丝米粉，口感弹牙，唔易截断，炒得入味。另一边厢，炒米都落咗几多𩠌料一齐炒，包括鲜虾、蟹柳、蛋、扎肉、洋葱同菜等，食起上嚟味道层次丰富🦐。铁板猪颈肉啫椰菜苗(马拉盏)($102)，铁板上果然宁舍唔同，因为真系够晒热，仲有吱吱声添🔥。椰菜苗炒得好有
我同朋友身处喺铜锣湾想食泰国菜，第一时间就醒起地库有间「小曼谷泰国美食站」。虽然铜锣湾店就无食过，但九龙城店我可算系由细食到大😉。
小曼谷环境唔错，有花心思喺装修方面。基本上未入店内，你已经可以见到门口有大大架火车🚄。同时，呢度座位阔落，冷气充足，客人坐得舒服。
餐厅卖嘅泰国菜选择几多🇹🇭，每个类别都有十款八款拣，实在令人眼花撩乱。我哋两条友嗌咗三碟嘢，够食有突。价钱属中上水平，埋单每人二百五蚊左右。
极上烧安格斯西冷牛小排($238)，斋睇价钱会觉得牛小排有啲贵，因为都成两嚿几水。🥩不过佢份量都多，切件后分两行排列，夹夹埋埋有成廿嚿。牛小排生熟度控制得宜，肉身呈粉红色，但可能受部位影响，肉质有少少韧。随牛小排搭配翠玉瓜同车厘茄🍅，有清清味蕾嘅作用。
小曼谷炒米粉
$88
14 浏览
0 赞好
0 留言
小曼谷炒米粉($88)，炒米粉好大碟，卖相几吸引。菜式以餐厅名命名，相信即系杂锦口味🤣。面条用上幼身嘅银丝米粉，口感弹牙，唔易截断，炒得入味。另一边厢，炒米都落咗几多𩠌料一齐炒，包括鲜虾、蟹柳、蛋、扎肉、洋葱同菜等，食起上嚟味道层次丰富🦐。
铁板猪颈肉啫椰菜苗(马拉盏)
$102
11 浏览
1 赞好
0 留言
铁板猪颈肉啫椰菜苗(马拉盏)($102)，铁板上果然宁舍唔同，因为真系够晒热，仲有吱吱声添🔥。椰菜苗炒得好有镬气，马拉盏味咸香十足，劲惹味，而菜苗本身就够细嫩。同时，佢加埋猪颈肉一齐炒🐷，感觉即刻正好多，但食到尾底部就避免唔到有啲油。
泰式冰奶茶
$33
21 浏览
0 赞好
0 留言
总括嚟讲，小曼谷无令人失望，食物味道不俗👍，环境同服务等方面亦几好。最后，餐厅仲好识做，送上现金优惠券俾客人下次使用，刺激消费😛。
张贴
