神石燒牛扒專門店 (已結業)

本身好钟意神石烧呢间餐厅，有段时间每月至少食一次，当时系荃湾店，点餐系用机，职员会介绍餐牌，即时入钱落部机度，不用加一。当时觉得性价比高，$200左右就吃到高质和牛，坐位虽然逼但卫生都不错，而且座位设计是不会面对面对住其他客人，尚算舒适。之后工作完左就无去荃湾，所以一段时间无食过，直到知道柴湾会开，本身好开心，之后可以成日食啦！但开张之后去过一次，已经完全唔系果回事。食物，卫生，服务都非常一般，可以话系差，座位逼就梗，设计系要面对住陌生客人，类似大家乐4人枱，可能2+1+1位，感觉唔舒服。而职员的态度，令我觉得我黎食野系咪得罪左你? (呢个我明，因为得一个人做，佢做到忟都正常，心中应该讲紧粗口，X ，又有客🤣) 然后果次埋单200几蚊加一，非常不满足，之后都无再去。但今日见openrice book 有7折，谂住比多次机会，可能之前新开张唔够人手姐，点知都系一样受罪🙈印象中职员都系上次果个黎，仍然系得佢一个，做到生无可恋甘，openrice booking 佢都无睇过，无确认，叫我企埋一边等阵，问我电话，态度似审犯甘，我当下即刻决定走啦，5折都唔会再book，落番楼下阿参食下午茶算，平