影片
更多
2013-08-11
1059 浏览
为咗庆祝囝囝生日,一家四口就食咗一次难忘既自座餐, 先讲环境, 不论装修及攞设,冇谂过酒店既餐厅可以有茶餐厅FEEL, 卡位皮可以甩皮(如果加多几个痰罐, 揾埋陈宝珠, 即刻回到过去). 但抱歉冇影相.食物: (冷盘)咁大个佬都未食过未过尾指既长脚蟹(系全晚都系咁), 完全有志伟FEEL. 系得生蚝叫做可以. 冻虾就大路野.刺生就阴公啰, 八爪鱼卖完就冇, 仲要唔多, 鱼生唔新鲜, 所以切鱼生既师傅可以成晚好得闲.(热荤)西冷仲可以, 咖喱等大路野冇特别, 叫做见得人啲系羊架, 饭类就有三二种, 仲有姜醋(仲第一次系自座餐见有人姜醋捞饭), 鱼都冇条, 最旺场既系烧烤部, 有焗蚝(一个字"干") , 鸭肝(食咗三件,即煎，所以要等 都叫OK), 烧虾 (都合格), 最多人排队攞既竟然系铁板肠仔鸡翼（冇计，真系冇野好食）。汤有三种，炖汤ＯＫ。中段仲推出过一只片皮鸭（系全晚得一只，所以要配给）甜品：有１３种左右唔计生果，有砵仔榚，桂花榚，椰汁西米榚，冇酒味既tiramisu，最意想不到系星期六既自座餐既甜品豆腐花，竟然用细小既木桶版本，仲要食完一桶就冇。雪榚就有二类，用雪榚筒自己装（即系富
食物:
(冷盘)咁大个佬都未食过未过尾指既长脚蟹(系全晚都系咁), 完全有志伟FEEL. 系得生蚝叫做可以. 冻虾就大路野.刺生就阴公啰, 八爪鱼卖完就冇, 仲要唔多, 鱼生唔新鲜, 所以切鱼生既师傅可以成晚好得闲.
(热荤)西冷仲可以, 咖喱等大路野冇特别, 叫做见得人啲系羊架, 饭类就有三二种, 仲有姜醋(仲第一次系自座餐见有人姜醋捞饭), 鱼都冇条, 最旺场既系烧烤部, 有焗蚝(一个字"干") , 鸭肝(食咗三件,即煎，所以要等 都叫OK), 烧虾 (都合格), 最多人排队攞既竟然系铁板肠仔鸡翼（冇计，真系冇野好食）。
汤有三种，炖汤ＯＫ。中段仲推出过一只片皮鸭（系全晚得一只，所以要配给）
甜品：有１３种左右唔计生果，有砵仔榚，桂花榚，椰汁西米榚，冇酒味既tiramisu，最意想不到系星期六既自座餐既甜品豆腐花，竟然用细小既木桶版本，仲要食完一桶就冇。雪榚就有二类，用雪榚筒自己装（即系富豪雪榚车那类）就首次见，沙冰有石榴味不俗（但部红既沙冰机，成个小露宝咁，好大陆ＦＥＥＬ）
饮品都一般橙汁，茶，汽水。有个炸雪榚都可以一试。甜品中有一个重点表演，系火焰蛋榚，已经系全场高潮位。
服务：收碟好快手，服务都几好，不过绿色既制服好唔掂。
简评：用三百几浪费咗我一个纪念日，未到用膳时间三份二都走剩几枱。食物质素与广告不符，一定冇下次既选择
张贴
