滿記甜品 (已結業)

好耐冇食甜品，又知道淘大新开左间满记，林住试下。先讲店内装修，真系唔错既，够光猛同精致，气氛好好，侍应亦热情有礼。一望餐牌，价钱都比出面贵啲，不过咁耐冇食冇所谓啦。我地满心欢喜order左个芒果pancake, 绿茶雪糕窝夫，杨枝金露凉粉。好快野食就上齐，我望住啲甜品o晒咀，因为全部野都好迷你！个pancake（$22）既size系其他店既一半，仲要用胶盒装住。都算啦，但个杨枝金露凉粉（$3x）更过份，用个细过普通饭碗，好似比bb用既size装住，只有约10粒色仔大小既凉粉，加少许杨枝金露。而个绿茶雪糕窝夫（$5x）则只有2块仔窝夫同2个雪糕波，份量都好少。最搞笑系，为配合返甜品既大小，啲餐具同样都好细，同玩具既size差唔多，总言之所有野都缩左50%。味道冇特别好食，食完都好似冇咩食过野咁，但已经盛惠$115，食水深得离谱。未试过食到咁嬲，好似比人呃左咁，以后都唔会再帮衬满记。