石一燒 (九龍城) (已結業)

原来九龙城有间食日本烧肉嘅餐厅，冇乜人，我哋食佢最平嘅尊上の2人前，$598另加一。有猪有牛有羊，不过佢嘅羊就冇晒转咗做牛，佢嘅牛系us prime，猪就来自日本佐贺。首先嚟咗沙律，都算大大碟，食落就冇咩特别，不过几开胃。然后就有前菜三品，有辣有酸有甜同样都系几开胃，份量唔多，但几好食。至于佢个樱花虾汤就略为失望，味噌汤比较淡，而且樱花虾冇味。然后终于嚟个烧炉，隔离有四种调味，一种系盐一种系自家制嘅盐一种系烧汁一种系黑椒。自己一面烧啲肉一面落调味料，出嚟嘅烧肉都几入味几好食，而且肉质都唔错，只系比较易黐底，如果有个猪油可以擦一擦就比较好。另外亦都有两杯饮品，一杯系乌龙茶一杯绿茶，味道比较淡，但系食烧肉有啲嘢饮吓就好重要。至于佢个饭素就略为普通，冇味。最后差啲唔记得有甜品，个甜品系牛乳雪糕，另外配上抹茶粉，自己加水上抹茶粉搅拌，然后倒上去雪糕度，虽然唔知点解唔直接俾抹茶雪糕，但系有得自己DIY感觉都几特别，就好似自己烧肉一样🤣整体嚟讲，主食嘅肉同前菜三品OK，餐厅标榜慢食，所以我哋都食咗差唔多两个钟，都算系饱。全程都播住陈奕迅嘅歌，我自己本身就系fans所以基本上啲歌全部都识唱。最后佢会