影片
更多
2021-08-05
1180 浏览
死佬饭局无搞咗两、三年，依家都喺间唔时揾其中一个、两个死佬短聚，今晚就约咗个坚几年无见过面嘅死佬出嚟食饭，平常大家whatsapp有联系，但出嚟见就真喺无。就大家方便，拣咗出嚟佐敦区，晌白加士街一带非常多食肆，拣咗「火五」食越南粉，贪其食汤粉湿湿哋，而且，路过望到有唔少人帮衬，心态上会觉得衰极有个谱，中伏机会细。晌门口都望到入去，餐厅属小店格局，简单装修，一室洁白，无明显嘅越南挂饰或相关工艺品，但最紧要喺干净企理啫，再者，地方够光猛，人都醒神啲。 枱上放好晒餐具、调味料，自由取用。 够特色喺随后会送上一「小杯」配料：香草、银芽及青柠，喺食汤粉嘅拍档，让客人再稍作调味。 而餐牌就喺放晌枱旁嘅点菜纸，有各式越南河粉、檬粉、越式油香饭，仲有米纸卷、小食、沙律……等等，当然，越式特饮就梗喺唔少得啦，价钱几经济实惠，无怪乎咁多人帮衬。 晌等候期间，仲留意到枱上一张宣传单张，介绍佢哋嘅汤底喺以牛骨加埋16种香料低温慢煮8个钟而成， 真喺滴滴精华。此外，更留意到话可以免费加粉，不过，基本上佢哋嘅汤粉本身已好大份量，一般人嘅食量已无需加粉。 手作大虾纸米卷 $38 真喺有少少偏好，食越南菜好多时都会
晌门口都望到入去，餐厅属小店格局，简单装修，一室洁白，无明显嘅越南挂饰或相关工艺品，但最紧要喺干净企理啫，再者，地方够光猛，人都醒神啲。
枱上放好晒餐具、调味料，自由取用。
够特色喺随后会送上一「小杯」配料：香草、银芽及青柠，喺食汤粉嘅拍档，让客人再稍作调味。
而餐牌就喺放晌枱旁嘅点菜纸，有各式越南河粉、檬粉、越式油香饭，仲有米纸卷、小食、沙律……等等，当然，越式特饮就梗喺唔少得啦，价钱几经济实惠，无怪乎咁多人帮衬。
晌等候期间，仲留意到枱上一张宣传单张，介绍佢哋嘅汤底喺以牛骨加埋16种香料低温慢煮8个钟而成， 真喺滴滴精华。此外，更留意到话可以免费加粉，不过，基本上佢哋嘅汤粉本身已好大份量，一般人嘅食量已无需加粉。
手作大虾纸米卷 $38 真喺有少少偏好，食越南菜好多时都会拣客米纸卷试试，尤其夏天，贪佢入口清新。 米纸卷十分薄透，口感烟韧清爽，卷住生菜、米粉、青瓜、甘笋同大虾，口感丰富，再沾少少鱼露，添加少少咸香味就更正。
越式花胶老火鸡汤檬 $56 无花无假，个檬粉里面坚有少少花胶，虽然唔多，亦估计未必喺咩贵嘢，但老友话几好食，柔滑软腍；而啲鸡件份量唔少，肉质都几嫩滑，有鸡肉味，唔喺雪藏货色，檬粉好爽身，份量多到好似食极都有咁。
越式花胶老火鸡汤檬
$56
7 浏览
0 赞好
0 留言
小弟都算喺多心嘅人，所以，拣咗「火车头」，一碗粉有齐生牛肉、熟牛肉、和牛牛丸、札肉，唔只咁，嚟到实际上仲醒少少牛筋俾你，大大碗，𩠌料多。
火五火车头牛肉汤河
$62
3 浏览
0 赞好
0 留言
基本上啲生牛肉浸两浸，嚟到都变咗熟牛肉，不过，熟得啱啱好，入口肉质非常嫩滑细致。
熟牛肉喺指件牛坑腩，大大嚿，咬落松化软腍，又有肉香，少少油脂位，多几分膻香，真喺几正。
同场加映嘅牛筋，咪睇佢色泽有啲浅色，质感软滑却柔韧有弹性，可惜只得一嚿仔。
和牛牛丸好有惊喜，加上「和牛」就加咗分啦，口感如一般牛丸咁爽口弹牙，但细嚼后会多咗份油香。
札肉，稳打稳扎咁啦，食落爽口，感觉唔会喺沟粉啲平价货。
拣河粉钟意其滑溜感，越式嘅河粉比我哋粤式嘅幼身啲，但同样咁滑溜，瀡一声就滑落喉咙，又有米香，份量仲非常十足，食晒碗粉真喺撑住肚皮走。
冻越南三式冰 $19老友就要咗杯三色冰，基本上喺椰奶再加上一啲三色粉条，佢话个椰奶底劲浓郁椰香，质感又唔会好水，味道非常清甜。
冻越式香滑浓咖啡 $19 小弟就钟情少少咖啡，但今次就唔喺越式嘅滴溜咖啡，改饮冻嘅，咖啡的确够冰冻，而且，咖啡味劲浓，同埋喺加咗炼奶，跟落牛奶或花奶𠮶入奶味嘅感觉喺有少少唔同，口感亦够滑。
东南亚菜，越南、泰国、星马菜都钟意食，因为觉得呢几个地方嘅菜式都较有特色，而且，晌香港都好容易揾到佢哋嘅踪影。今晚「火五」嘅出品，都好有水准，所以，真喺唔好睇少呢啲小店，收银位装咗多部网送外卖机，再稍稍留意到不停出外卖，就知有几「火」。
张贴
