影片
更多
2021-05-14
2025 浏览
整理吓自己嘅食评时，发觉原来台湾菜都算食得多，小弟向来甚少刻意揾啲咩嘢食，一切随遇而安。今晚都喺一样，行经女人街近油麻地一边嘅尾，发现多咗好多餐厅，香港真喺变化得好快。正当谂紧食乜好，睇见呢一间「西门町」，老友话佢开咗好多年，食过几次都唔错，晌门口见有啲套餐，定价都好抵吓。走进餐厅内，装修老派朴实，尤其天花嘅木棚及假叶，真喺有少少古早嘅感觉。就连挂晌墙上嘅食物照，都有啲定格咗晌十年、八年前咁。「西门町」卖嘅喺正宗嘅台湾地道菜，打开餐牌翻一翻，选择非常之多，台式面条占咗好大比重，仲有就包括饭品、汤食、秘制卤水、一人套餐，以及各式各样嘅台式饮品。而另有一张餐牌，喺一啲特色嘅台湾美食，有啲喺耳熟能详，有啲则未见过，但同样都喺甚富卖点。至于文初提过吸引我哋嘅套餐，就分为2、3、4、6人餐，包咗好多款特色美食，但又有选择性，当然配埋饭品或面条、饮品，非常丰富。最后我哋计过，拣款二人餐，加钱转个招牌拼盘，加埋两个𩠌，配一碗面、一碗饭，加埋跟餐嘢饮，再额外嗌多杯，够晒3个人食。讲嘢食之前，顺带讲讲啲服务，真喺几熨贴，一起手，拎埋匙羹、筷子，更揾杯热水浸住嚟消毒。黑糖珍珠奶茶 友人嘅嘢饮唔记得影相，就
走进餐厅内，装修老派朴实，尤其天花嘅木棚及假叶，真喺有少少古早嘅感觉。就连挂晌墙上嘅食物照，都有啲定格咗晌十年、八年前咁。
「西门町」卖嘅喺正宗嘅台湾地道菜，打开餐牌翻一翻，选择非常之多，台式面条占咗好大比重，仲有就包括饭品、汤食、秘制卤水、一人套餐，以及各式各样嘅台式饮品。
而另有一张餐牌，喺一啲特色嘅台湾美食，有啲喺耳熟能详，有啲则未见过，但同样都喺甚富卖点。
至于文初提过吸引我哋嘅套餐，就分为2、3、4、6人餐，包咗好多款特色美食，但又有选择性，当然配埋饭品或面条、饮品，非常丰富。最后我哋计过，拣款二人餐，加钱转个招牌拼盘，加埋两个𩠌，配一碗面、一碗饭，加埋跟餐嘢饮，再额外嗌多杯，够晒3个人食。
讲嘢食之前，顺带讲讲啲服务，真喺几熨贴，一起手，拎埋匙羹、筷子，更揾杯热水浸住嚟消毒。
黑糖珍珠奶茶 友人嘅嘢饮唔记得影相，就唔写喇，小弟就拣咗最心水嘅黑糖珍珠奶茶。近排天气好热，饮杯冻饮特别爽，啜一啖先，奶茶嘅味道醇厚芳香，渗出阵阵黑糖嘅天然纯甜香味，而啲珍珠亦唔错，烟韧QQ，甜度又适中。
黑糖珍珠奶茶
13 浏览
0 赞好
0 留言
转呢个拼盘真喺好抵，散点要$118，依家只需加$38，成品喺跟散叫嘅份量一样（从餐牌嘅照片比较），5款冷盘，样样3件，啱啱好够分。伴以酸辣酱及芥末沙律酱，而且，5款嘢食都好有特色。
招牌拼盘
14 浏览
0 赞好
0 留言
「五味」我就理解为有5样食材，除一眼睇到嘅甘笋丝、木耳丝、青瓜丝，仲有啲素火腿及一条条透明嘅丝丝，再洒上大量黑白芝麻，简单淋上少少麻油，食起嚟好清爽，感觉又健康。
芝心丸炸香咗嘅芝心丸，色泽金黄，咬落甘香，而里面嘅芝士填得满满，柔软充满芝士香味。
虾仁玉兰中卷5款冷盘以呢个最具心思，将虾肉同青瓜切碎塞入鱿筒再人切件，卖相已非常有亮点。沾上一点点芥末沙律酱，鱿鱼嘅鲜甜味好突出，而虾仁、青瓜令口感清爽。
虾饼如芝心丸，外层炸到金黄，肉质弹牙而充满虾鲜味，此外，食落唔油腻亦喺重点。
红烧牛肉台式嘅红烧牛肉一向喺好有市场，件件都卤得入味兼上晒色，所以，睇落先咁「黑掹掹」。大口咬落去，口感极之松化，肉质好软腍，入晒味，好好食。
盐酥鸡台湾街头小食嘅名物，新鲜炸起，所以，上枱时感受到𠮶股热辣辣，仲加咗少少炸紫苏叶伴伴碟。食落外层甘香松脆，唔油腻，肉质更比预期嫩滑、唔嚡，带微微咸香。
盐酥鸡
19 浏览
0 赞好
0 留言
凉拌茄子 啲茄子深紫色，只碟又黑色，所以，可能影得唔太清楚，但喺，味道绝对食得出喺好，凉凉嘅茄子好腍好滑，简简单单淋上酱油，都已经好唔错。
肉燥饭平常食啲鲁肉饭都会比较肥，不过，呢一碗肉燥就相对无乜肥膏，而且，卤得好入味，酱汁香浓，捞饭净食都觉得好正。再者，啲珍珠米饭粒分明，质感带点黏糯，有饭香，配上肉燥，惹味非常。
肉燥饭
19 浏览
0 赞好
0 留言
无论饭定面，虽然叫细碗，但就如平常晌屋企食嘅份量。担仔面都喺加啲肉燥，伴上清汤，比起担担面少咗份辣劲，但一样咁好食，面条够弹牙，而啲肉燥绝对喺令到碗面有画龙点睛之效。
擂沙汤圆套餐仲奉送甜品，是夜喺擂沙汤圆，暖笠笠，外皮烟韧粉糯，沾满黄豆粉，而里面嘅芝麻馅好流心，劲香芝麻味，正呀喂！
擂沙汤圆
17 浏览
0 赞好
0 留言
张贴
