芽莊越式料理

营业中

休息中

本身苦恼地谂紧食咩好，见呢度嘅下午茶都好似几啱食，就入咗嚟试下喇。呢个系午餐嘅小食，本身个汁都几浓，加埋虾米同花生嘅口感，普通嘅芥兰都变得层次丰富，好易入口。呢个系餐饮，桃蜜热柑桔。桃嘅味有啲假，同柑桔唔太夹。如果呢杯嘢饮系冻饮可能会好啲，因为可以令嘢饮更清新。呢个捞檬非常清爽，配埋酸酸甜甜嘅捞檬汁，简直系最好嘅夏日午餐之一。扎肉好普通，唔系猪耳扎肉，亦唔够肉汁。鸡翼好香脆，同牛油鸡翼非常相似。呢度嘅牛丸粉系我食过最好嘅牛丸粉！汤底有好浓郁嘅牛肉味，好有越南牛肉粉嘅风味。牛丸系手打嘅，真系食到超浓嘅牛肉味同埋属于牛肉嘅口感，仲有牛筋喺入面添！整体来讲，呢度嘅环境同食物味道都好好，而且一定要试下呢度嘅牛丸同鸡翼！其实呢度嘅下午茶可以有好多配搭，但系由于有啲小食系几有特色嘅，建议大家可以选择主食加小食嘅配搭。