影片
更多
2024-07-03
856 浏览
早前庆祝二访位于铜锣湾嘅楼上私房菜@lechefeteria 餐厅一直喺我脑海入面有好深刻嘅印象☁️ 老板娘为每一道菜详尽嘅介绍，餐厅半开放式嘅厨房及家庭式嘅布置皆营造咗一个温馨而独特嘅氛围🔆 餐厅外籍主厨大玩东南亚同法式fusion菜，每一道菜都别树一格令人难忘🫶🏻- - - - - - - - - - - - - - - - - - - - - 4-courses Dinner $568/pp{ 1st course }๑ 龙虾浓汤老板娘话法国菜最重要就系佢嘅汤，而呢到嘅龙虾汤可以话系佢哋嘅招牌菜! 有别于一般落忌廉嘅做法，呢到净系落咗鲜奶同椰子奶，所以龙虾嘅咸香同鲜味格外突出๑ 蕃茄薄荷汤小小嘅蕃茄汤竟然包含咗蕃茄四食，而且落咗自家制嘅basil oil茄鲜中带清香๑大闸蟹粉、绍兴酒、冬荫功手工蛋意粉 +$98依款手工蛋阔条面不得了🔥面条十分挂汁，将大闸蟹+绍兴酒+冬荫功嘅精华尽吸; 冬荫功香料味十足，但佢犀利之处系完全冇盖过蟹膏嘅香味，令人真系忍唔住清晒碟上面所有嘅酱汁{ 2nd course }๑油封鸭腿意大利饭 老板娘做油封鸭嘅bro
早前庆祝二访位于铜锣湾嘅楼上私房菜@lechefeteria 餐厅一直喺我脑海入面有好深刻嘅印象☁️ 老板娘为每一道菜详尽嘅介绍，餐厅半开放式嘅厨房及家庭式嘅布置皆营造咗一个温馨而独特嘅氛围🔆 餐厅外籍主厨大玩东南亚同法式fusion菜，每一道菜都别树一格令人难忘🫶🏻
- - - - - - - - - - - - - - - - - - - - -
4-courses Dinner $568/pp
{ 1st course }
๑ 龙虾浓汤
老板娘话法国菜最重要就系佢嘅汤，而呢到嘅龙虾汤可以话系佢哋嘅招牌菜! 有别于一般落忌廉嘅做法，呢到净系落咗鲜奶同椰子奶，所以龙虾嘅咸香同鲜味格外突出
๑ 蕃茄薄荷汤
小小嘅蕃茄汤竟然包含咗蕃茄四食，而且落咗自家制嘅basil oil茄鲜中带清香
๑大闸蟹粉、绍兴酒、冬荫功手工蛋意粉 +$98
依款手工蛋阔条面不得了🔥面条十分挂汁，将大闸蟹+绍兴酒+冬荫功嘅精华尽吸; 冬荫功香料味十足，但佢犀利之处系完全冇盖过蟹膏嘅香味，令人真系忍唔住清晒碟上面所有嘅酱汁
{ 2nd course }
๑油封鸭腿意大利饭
老板娘做油封鸭嘅broth已经养咗差唔多两年，仲俾我哋闻一闻个broth，确系香气扑鼻✨油封鸭嘅油份已经同鸭肉融为一体，切出嚟嘅肉非常粉嫩，外皮却仍然保持焦香；旁边嘅risotto都系餐厅用自家嘅菜汤熬出，亦无添加牛油/芝士/cream呢
{ 3rd Course: Main Courses }
๑ 6 oz烟熏阿根廷黑安格斯牛里脊
主菜配薯仔、时菜
Medium rare的牛里脊口感软嫰，配菜的薯蓉以香茅 +柠檬叶+椰子奶取代牛奶，口感绵滑
๑大海小池咖喱锅
炸软壳蟹、西班牙红虾、本地海鲜咖喱、杂菜、法式千层薯批
+$198
咖哩嘅base系用咗海鲜清汤，所以香浓得嚟仲有鲜味; 用上西班牙红虾，虾头嘅膏咬落去就爆晒出嚟，非常咸香~可配飞饼/莞茜斑兰饭，而点上嘅班兰饭伴咖喱汁一齐食好夹，又令人想清碟呢
{ 4th Course: Dessert }
๑ Banana Roti 香蕉飞饼
自家制的泰式奶茶雪糕更是意外惊喜呢
๑ Chocolate Brownie, mixed berries sorbet 巧克力布朗尼、红莓雪葩+$48
Brownie都系无奶无牛油的，但食落丝毫不输普通brownie，黑巧克力的浓度达75%浓度不甜且厚稠，亦系peanut free🍫
{ Drinks }
- - - - - - - - - - - - - - - - - - - - -
张贴
