Häagen-Dazs

营业中

休息中

好耐冇食过雪糕火锅，新一年放緃下先！堂食雪糕火锅迷你餐$298有16粒8只味，包括: 2球抹茶、2球呍呢嗱、2球士多啤梨、2球焦糖脆饼、 2球曲奇呍呢嗱、 2球蓝莓、 2球比利时朱古力、 2球芒果红桑子，仲有精致日式糕点大福饼、黄豆粉蕨饼及绿茶粉蕨饼，配埋时令水果及杏仁碎。我哋仲加$30叫咗两杯热蜜桃茶🥰讲真，去得Häagen-Dazs食佢fondue，就系为咗个朱古力酱。朱古力酱一如以往好味，出奇地同抹茶、呍呢嗱、蓝莓、芒果红桑子好夹。喺朱古力酱未凝固晒之前加啲花生，三重享受！ 黄豆粉蕨饼同绿茶粉蕨饼都系雪冻咗，试过蘸朱古力酱但完全唔夹，反而就咁食都唔错。黄豆粉好浓﹑绿茶粉甘甜，不过同成个set唔太夹。大福饼入面系豆蓉馅，味道偏甜，唔太吸引。热蜜桃茶系神来之笔，酸酸甜甜，可以化解雪糕同朱古力酱油腻感，虽然只系茶包加蜜桃糖浆，但食完咁多冻嘢落肚，呢一刻饮杯热茶，舒服晒。