梅光軒 (登龍街) (已結業)

今日有事要岀铜锣湾，就顺便嚟好耐冇食嘅梅光轩支持下。星期六下昼嚟等咗一阵，佢有套餐连小食同嘢饮，价钱好似同就咁叫一碗面一样，我哋叫咗一个酱油炙烧五花肉拉面，一个酱油双叉烧拉面，饺子同忌廉蟹饼，嘢饮就拣咗可乐同加钱叫咗支啤酒。佢嘅汤底唔系好浓好杰𠮶种，饮埋汤都唔觉得好漏，拉面系我钟意嘅曲面，炙烧五花肉烧过特别香，同埋佢嘅五花肉唔太肥唔会就层肥肉咁，但又好松化，唯一缺点系咸咗啲，轻手返啲会好啲。整体质素唔错，价钱嚟计相当抵食，而埋单先知原来呢间店租约期满，系最后一日营业，会继续支持。