影片
更多
2022-11-14
778 浏览
我喺荃湾返工成日都经过悦来酒店，间唔中都有上去佢哋嘅30楼殷悦度饮茶。见到佢哋重开之后有个下午茶自助餐，今个礼拜就去试吓啦!今次佢哋做紧第二位半价promotion啊!我就约咗个朋友去试吓。非常之有惊喜!佢哋由2:30到7:00， 120分钟下午茶。咁我哋大约就4:30到。都好多人一家大细三五知己。点解我哋咁晏去，因为我哋可以当埋晚饭，咁食食饱个肚悭返餐!都有好多唔同嘅特别嘢食啦!喇沙面，云吞面，西多士，德国猪手，啤酒鸡，家乡鸡丝银针粉，特色沙律。甜品方面都有好多款Mango Panna Cotta，苹果乌龙茶海绵蛋糕，法式Crepes，抹茶红豆麻糬慕斯蛋糕，Tiramisu佢个afternoon Tea仲会俾个Tea Stand自己拣自己执跟住自己打卡。最特别嘅系佢哋个雪糕档10几款唔同味嘅雪糕，有啲好特别嘅味道不妨一试有陈皮红豆，益力多，芋头，南瓜，芝麻等等!好多味道出边都未必有。嘢饮方面就每人一杯，我就饮咗杯港式奶茶，拍得住出面茶记嘅奶茶，好滑好浓!好得意，佢哋会隔个钟就会有人出嚟派啲特别嘅嘢食俾我哋。我食咗个熊猫莲蓉包，棉花糖同埋食咗个Creme Brulee!Service唔
非常之有惊喜!佢哋由2:30到7:00， 120分钟下午茶。咁我哋大约就4:30到。都好多人一家大细三五知己。点解我哋咁晏去，因为我哋可以当埋晚饭，咁食食饱个肚悭返餐!
都有好多唔同嘅特别嘢食啦!喇沙面，云吞面，西多士，德国猪手，啤酒鸡，家乡鸡丝银针粉，特色沙律。
甜品方面都有好多款Mango Panna Cotta，苹果乌龙茶海绵蛋糕，法式Crepes，抹茶红豆麻糬慕斯蛋糕，Tiramisu佢个afternoon Tea仲会俾个Tea Stand自己拣自己执跟住自己打卡。最特别嘅系佢哋个雪糕档10几款唔同味嘅雪糕，有啲好特别嘅味道不妨一试有陈皮红豆，益力多，芋头，南瓜，芝麻等等!好多味道出边都未必有。
嘢饮方面就每人一杯，我就饮咗杯港式奶茶，拍得住出面茶记嘅奶茶，好滑好浓!
好得意，佢哋会隔个钟就会有人出嚟派啲特别嘅嘢食俾我哋。我食咗个熊猫莲蓉包，棉花糖同埋食咗个Creme Brulee!
Service唔差，厨房师傅又会帮你夹吓𩠌又会问你几句攞下意见，又有人帮你影吓相算唔差!
佢哋个Centre piece有几特别。见到好多细路仔行过去影相
出面个饼柜同雪糕柜都做紧好多唔同promotion。
睇吓几时约埋朋友同埋𠮶啲仔仔女女再嚟食过先!!!
张贴
