影片
更多
2019-06-10
478 浏览
好耐好耐冇食填鸭喇! 端午节晚上终于有人陪我食喇！去亲街都食西餐日本野，今次一于还原基本步，食下中式野先...哈哈哈今晚两个人叫咗4个𩠌，好够饱！京城芙蓉赛螃蟹 $118大大碟，滑劣劣，有水嫩嘅蛋白香。如果可以好似细个食𠮶款赛螃蟹咁，放只生蛋黄捞埋就更加美味！可惜而家再揾唔返一间餐厅会咁样做喇，因为大家都要保障返自己餐厅嘅食物卫生安全。四川担担面 $50足料嘅一碗担担面，无论系花生，肉碎抑或系佢个芝麻香都好够，食完个面仲会忍唔住想饮晒啲汤tim! 顺带一提，店员好贴心咁主动问我地洗唔洗另上辣汁，因为都会几辣。虽然依稀之前食过嘅经验，记得𠮶种辣系承受到嘅，但系都欣然接受店员嘅好意，毕竟辣汁另上嘅话，我地可以自由调较自己想食嘅辣/浓/油度吖嘛😌淮扬灌汤小笼包（6只） $48值得一赞嘅系个小笼包，皮薄又多汁，其实一啲都唔会差过鼎泰丰，热辣辣将成粒小笼包放入口，系口度爆汁个下真系好幸福! 烤北京填鸭 (半只) $160重点黎喇! 只鸭满满油花加上薄薄嘅皮，系时候为自己DIY 个馅饼食喇！一块皮加上两块鸭，三种配料再加埋佢特制嘅酱汁，满满馅料先至系大满足🤤食过好几间唔同嘅北京楼，我觉得元朗嘅北京
端午节晚上终于有人陪我食喇！
去亲街都食西餐日本野，今次一于还原基本步，食下中式野先...哈哈哈
今晚两个人叫咗4个𩠌，好够饱！
京城芙蓉赛螃蟹 $118
大大碟，滑劣劣，有水嫩嘅蛋白香。
如果可以好似细个食𠮶款赛螃蟹咁，放只生蛋黄捞埋就更加美味！可惜而家再揾唔返一间餐厅会咁样做喇，因为大家都要保障返自己餐厅嘅食物卫生安全。
四川担担面 $50
足料嘅一碗担担面，无论系花生，肉碎抑或系佢个芝麻香都好够，食完个面仲会忍唔住想饮晒啲汤tim!
顺带一提，店员好贴心咁主动问我地洗唔洗另上辣汁，因为都会几辣。虽然依稀之前食过嘅经验，记得𠮶种辣系承受到嘅，但系都欣然接受店员嘅好意，毕竟辣汁另上嘅话，我地可以自由调较自己想食嘅辣/浓/油度吖嘛😌
淮扬灌汤小笼包（6只） $48
值得一赞嘅系个小笼包，皮薄又多汁，其实一啲都唔会差过鼎泰丰，热辣辣将成粒小笼包放入口，系口度爆汁个下真系好幸福!
烤北京填鸭 (半只) $160
重点黎喇! 只鸭满满油花加上薄薄嘅皮，系时候为自己DIY 个馅饼食喇！
一块皮加上两块鸭，三种配料再加埋佢特制嘅酱汁，满满馅料先至系大满足🤤
食过好几间唔同嘅北京楼，我觉得元朗嘅北京楼系做得最出色，尤其系填鸭个皮！唔似一般嘅皮咁摆得耐会干，一路keep住够水份，好似面膜咁哈哈；亦都唔系好似平时啲皮咁要放好多面粉喺上面等佢唔好痴埋一齐，反而厨房会摄一张一张嘅点心蒸炉纸喺每一块皮嘅中间，方便食客去攞啲皮，欣赏👍🏿
P.S. 今次点咗玫瑰荔枝茶，好香，唔洗加钱架😆
张贴
