南小館 (ELEMENTS圓方) (已結業)

圆方新店登场，刚开幕时一直见要轮侯，到今日见到唔系太多人，急不及待去食个lunch 。入到内堂比从外望内去宽敞好多，座位亦够舒适。一坐低侍应就送上茶同开胃菜-花生拼麻味十足嘅麻辣豆腐干。南小馆四小拼-可自选四小食烤麸唔错，正正常常，马兰豆干真系有啲干，口水鸡同花雕鸡认真地唔系好食到咩味，因为都系胸是骨位，厚皮，无肉咁哜。牛肉面好多牛肉，味道都几好又够林。 败笔在于面质，似系新鲜面伴随住以防啲面痴住嘅粉一齐煮完无过冷河𠮶种口感。 担担面面质都系一样，再加上好淡又好杰嘅汤，吃着难受，食左两啖就收咗口上海粗炒一碟得五六条菜仔，炒到干得可怜。整餐最令我觉得最失望嘅非小笼包同咕噜肉莫属。其实唔系关煮𠮶个人事，因为小笼包其实皮薄多汁，咕噜肉亦香脆，但系，连咕噜肉呢道咁浓味嘅菜式都唔可以遮盖到猪𠮶种唔新鲜嘅雪藏味.....小笼包基本上系咬多一口都唔想。饮品选择都几多，叫左无咩味嘅烧仙草同埋ok嘅Oreo 沙冰。 还不及要收茶芥送上的第一杯清茶好饮😞食材如此，相信我绝对无下次。