翠華餐廳 (已結業)

最近系电视度见到「翠华」狂卖广告，念返起，原来自己都应该有3年无踏足过呢间餐厅，可能因为实在太多游客嘅关系，跟本唔会想堂食，更何况要仲要排队。见公司附近有间，今日就买个外卖返公司慢慢食。瑞士汁牛肉炒河 $66装到个盒劲满~材料好足，牛肉多，河粉仲多。甜甜地嘅瑞士汁好浓，而且河粉都炒得均匀有镬气，同最紧要多汁，有人唔意多汁，但就啱晒钟意酱汁嘅我。香滑奶茶 (冻) $21奶茶系冰镇，无冰粒系入面，可以慢慢饮唔怕味道会变淡。奶茶味道我好like，茶唔会有苦涩味，奶好幼滑，好饮。老实讲，以$66黎讲，份量系俾足。但好似我一个女仔，真系唔会食得晒。如果可以将份量少番d，价钱调低d，咁就好喇，又可以减少浪费。几经努力，都食剩咁多。