砂煲兄弟 (東港城) (已結業)

近日在坑口东港城商场开咗一间煲仔饭餐厅「砂煲兄弟」，昨天午餐时间才第一次帮衬，吃了一个砂煲焗肉酱意粉，那份味道实在令人感动，好耐未食过粗身意粉煮的肉酱意粉了，因为现时差不多所有餐厅都用幼身意粉，加上芝士和肉酱的份量，合适，酱汁又沾满了意粉，吃下去又滑又好味，已经好耐冇食过咁好味嘅肉酱意粉，再配上一个红豆冰奶茶，真系有意外惊喜，因为呢个饮品不会太甜，红豆冰的甜味唔会盖过奶茶的茶香，真系饮过返寻味。今晚再同老婆去食晚饭，叫咗一个黑松露滑鸡煲仔饭，虽然等候的时间较来，但实在值得，可以话系我食过最好味嘅煲仔饭，煲仔饭一上枱就已经香气扑鼻，虽然我自己唔系咁习惯黑松露嘅味道，但系配上餐厅自家制的豉油，加上滑鸡和软硬适中的白饭，真系美味至极。餐厅装修有啲怀旧大排档风格，配上不同年代的流行曲，大大增强了进食时的气氛和风味，向大家诚意推荐。