華星冰室 (克街)

营业中

休息中

自从喺湾仔返工，华星冰室系我最爱嘅餐厅之一，今日又去左食喇！我又系嗌常餐，炒蛋，叉烧通粉。一个餐$40连饮品，有多士又有通粉，我觉得好抵食。多士好厚好软熟，已经帮你搽好左牛油，仲烘到脆卜卜。我嘅食法会将一块火腿同埋少少炒蛋放上其中一块面包，而另一块会就咁食。腿蛋治超级好食，就咁牛油多士都好好味。叉烧通粉比平常餐厅煮通粉煮得好食，通粉比较烟韧，较有口感，而叉烧都几好食嘅。猪扒干炒意粉都几好食，男朋友就觉得冇乜味，不过食落就觉得清清地几好（可能我食惯淡味嘢）。猪扒好腍好好味。