Oliver's Super Sandwiches (已結業)

想食焗薯嘅时候，我一定会去 Super Sandwiches。今晚，就去咗沙田新城市广场到食。款式口味超多选择，除咗焗薯之外，其实仲有意粉可以食。我哋今晚两个人，分别食咗咸牛肉焗薯套餐，同埋挪威烟三文鱼、蚬肉扁意粉配刁草忌廉汁套餐。先讲意粉，单听个名已经知道鲜味十足，而且三文鱼同蚬肉份量都唔少，酱汁亦够多，唔会食到尾嘅时候，咩汁都冇晒，配埋个相当松化嘅酥皮忌廉汤，餐后，当然要饮番杯热柠茶啦，真系够晒饱。咸牛肉焗薯，最完美嘅组合，焗薯软硬啱啱好，牛肉唔会过咸，洒满烟肉碎同葱花，再加埋新鲜嘅Caesar salad ，就系最好味嘅食法。Super Sandwiches ，虽然系快餐模式，但都有专员帮你送餐，食物好味兼抵食之外，服务仲相当周到。