影片
更多
2020-11-18
6268 浏览
第一次同朋友带埋导盲犬Del Del🦮 光顾呢间餐厅，店员姐姐好观迎我地，埋单𠮶阵老板富哥仲比左优惠我地(唔通因为只🐶 又乖又得意? 真系非常感谢) 。呢度既拉面系我地近排试过最好味既，非常推介大家黎试。餐厅门面唔太显眼，大家可以留意向著营盘街既"正斗火锅"，隔离舖头就系喇。要注意餐厅座位唔多，可能要排下队。慢煮鸡(+薯仔)沙律 $35好嫩滑既鸡肉, 系鸡白拉面𠮶啲鸡叉烧, 有淡淡既鸡味. 薯仔沙律味道丰富香浓, 如果可以再比多啲薯仔，多过鸡肉就好喇芝士肉酱蛋包饭 $65日本饭果然好味啲, 又饱满又香甜。佢跟左一小碗猪骨汤，系同拉面汤底一样既, 个汤香椁浓厚又唔会太咸. 其实就算冇蛋冇肉酱, 净系猪骨汤捞饭都一样好味. 好期待下次试佢既猪骨汤拉面, 肉酱同滑蛋都唔错，蛋又滑又香，肉酱又食得出肉粒，加埋软淋淋既饭感觉好满足。虾味噌樱花虾拉面 $65今晚重点黎喇。虾味浓到满泻！真系食到停唔到口. 叉烧有四块，好似有一半系轻轻烧过既，好香口。牛油粟米浸左汤仲系好香牛油味，又大粒又甜，朋友好钟意。糖心蛋单点系冇既, 要跟餐先有, 我地未试到. 朋友一向钟意粗面多啲，但系都话呢个幼面好食，面身唔
餐厅门面唔太显眼，大家可以留意向著营盘街既"正斗火锅"，隔离舖头就系喇。要注意餐厅座位唔多，可能要排下队。
慢煮鸡(+薯仔)沙律 $35好嫩滑既鸡肉, 系鸡白拉面𠮶啲鸡叉烧, 有淡淡既鸡味.
薯仔沙律味道丰富香浓, 如果可以再比多啲薯仔，多过鸡肉就好喇
芝士肉酱蛋包饭 $65日本饭果然好味啲, 又饱满又香甜。
佢跟左一小碗猪骨汤，系同拉面汤底一样既, 个汤香椁浓厚又唔会太咸. 其实就算冇蛋冇肉酱, 净系猪骨汤捞饭都一样好味. 好期待下次试佢既猪骨汤拉面,
肉酱同滑蛋都唔错，蛋又滑又香，肉酱又食得出肉粒，加埋软淋淋既饭感觉好满足。
虾味噌樱花虾拉面 $65今晚重点黎喇。虾味浓到满泻！真系食到停唔到口.
叉烧有四块，好似有一半系轻轻烧过既，好香口。
牛油粟米浸左汤仲系好香牛油味，又大粒又甜，朋友好钟意。
糖心蛋单点系冇既, 要跟餐先有, 我地未试到.
朋友一向钟意粗面多啲，但系都话呢个幼面好食，面身唔会太稔又会挂汤。可能实在太好食，食一碗唔系好够饱添。呢度唔系专做拉面，但系仲好食过好多拉面店，非常推介！
辣鸡拉面 $65鸡本身唔辣既, 系慢煮鸡沙律个啲, 有四件咁多
汤底系猪骨汤底加上(好似系)豆瓣酱, 有刺鼻而丰富既辣椒香, 非常惹味, 辣度就只系象征式。香浓既汤底好啱捞幼面食，但系要饮晒佢我就唔系好习惯啦。
店员姐姐话仲有舞茸和牛拉面，逢星期一至四有售，好想试下。
和牛虾饼$25. (旁边系蛋包饭跟既猪骨汤)menu冇既, 要睇 社交平台专页先知, 可能唔系日日有.
和牛粒好有脂肪香，口味比较清淡，用两块虾饼夹住好有特色。
真心觉得好好食，老板亦整得好有心机，推介比大家👍👍👍
张贴
