大快活 (水泉澳廣場)

营业中

休息中

在附近开夜班，赶在「不准堂食」令之前去打最后一个边炉。港式快餐连锁店，食品质素间间都差唔多，但水泉澳广场呢间，人情味特别浓~我哋放饭一粒钟，打边炉好抆水，餐一送到，醒目姐姐就同步送炉过嚟，帮客人悭咗不少时间，此为贴心一。贴心二，我都唔知火酒膏就快用完，蕃茄汤仲滚吓滚吓，姐姐已经看出火酒膏快用完，率先替我哋换炉，唔使我哋阵间打到窒住窒住。再来，西斜太阳「灿」住客人，姐姐已经醒目地拎定摇控器出来落帘了。当然，新冠肺炎令市道变差，人流少咗，餐饮业梗系要殷勤啲啦，但其实未有「限聚今」、「不准堂食」令之前，这间大快活的肥经理已经好好人：同事早几个月开始减吃淀粉，叫餐总是加句「走饭，多配菜」，肥经理都从善如流，真系畀多啲配菜我同事。最近天气热，我都无胃口食饭，加入「走饭」行列，肥经理一听见我嗌「走饭」，都会主动畀多啲配菜我。客人未开口，餐厅已经知你想点，继而满足你，呢啲就系人情味啰───亦系街坊和屋邨食肆之间的默契，食客觉得自己被珍视，对餐厅产生loyalty，经常帮衬，其实都系win win双赢的一种。