禤師傅小廚 (已結業)

禤师傅私房菜长沙湾兼善里小巷里其中一间小店舖，格局就如大排档，每晚只做到5-6张枱，除咗地方限制之外，主理人就只系得禤师傅和禤太，一个主外一个主内，逢系熟客就知道，所以上菜绝不能催促，另外每次食完都会成身油烟味，但系我哋都咁钟意去食，原因好简单，呢度充满人情味，同埋佢哋嘅海鲜同小炒真系好出色。今日是2022年4月21号，晚市放监的第一天，我哋就奉献咗比好挂念嘅禤师傅私房菜，是日晚餐六人前，早早就订好枱，六个人两张枱拍埋一齐，隔咗块政府规定嘅胶板，又可以齐齐整整一齐食饭，食吓当然借啲意推开块板😎早早就跟褟太订好想食海鲜，因为佢哋系每朝早会去海鲜档拣选当日最靓嘅海鲜，想食啲乜嘢同埋点样煮，都可以商量，或者任由禢师父发挥，我哋觉得最好都系交俾师傅🤓六人餐单食咗九大簋，不解释，食过我知道有几好食，一定会返四再返四😋▪️姜葱椒盐赖尿虾▪️砵酒焗𧐢▪️豉汁蒸蛏子（超级多葱）▪️蒜蓉粉丝蒸扇贝 （好多葱）▪️果皮鲍鱼 （都系劲多葱）▪️黄金虾▪️奄仔蟹▪️生炒骨▪️姜汁炒芥兰