越潮

营业中

休息中

今次已经唔记得第几次帮衬了，越潮系我食过咁多间越南河粉之中汤底最正最浓郁既一间，而且佢系饮晒啲汤都唔会口渴，由此可见系冇味精成份，完全靠佢本身既精华令到个汤咁好味。今次我去到岩岩赶到下午茶时段，叫左串烧同蒸粉卷，另外就叫左火车头，贪佢多料啲同大碗啲，再加多杯每次必饮既龙眼冰。首先上某既系串烧，我简左猪同鸡，淋上惹味既沙爹酱，啲肉烧到岩岩好，好滑唔鞋身，酱汁有啲原粒花生，增加口感，正！蒸粉卷系我最爱，蒸出来，热辣辣，滑滑既粉皮包住肉碎、面头有大量葱粒同炸干葱碎，配埋个酱汁真系天堂级好食。最后到火车头，一定要加青柠同辣椒🌶️再落少少鱼露，无敌