Portal-Work & Play (已結業)

每次都好想听 live jess，但经常都与她无缘，今晚又无得听喇 ﹗如果无 jess 听的话，会由鬼佬打碟，个人觉得有点嘈啰，大杀风景。依度灯光柔和、装潢舒适，因该配返啲高格调既音乐。刚才食完拉面仲未入得场睇戏，最好选择就系黎依度坐吓等开场啦。环境既气氛、装修、摆设、灯光既构图很美，好温暖浪漫，环境舒服又够 relax，系欠个女朋友。朋友仔形容好想瞓觉，哈哈，讲得无错，舒服咪想瞓啰。口感同味道都不错既印尼虾饼，卜卜脆，好有童年回忆，细个阿妈成日炸，当薯片比我地食，因为平好多。除左任食既虾饼外，仲有蒜香花生，脆口，不过无咩特别。我就点左个 Sangria 西班牙特饮，基本上传统调法都不外乎红酒、白兰地、梳打或汽水沟匀，再加生果和冰粒，不过每间酒吧既手法、配搭同份量都唔同，所以每间酒吧各具特色，而且味道不一。Portal-work 既 Sangria 唔错，满意，其实几易醉。美女好聚精会神咁谂咁饮咩好呢，不过预左佢都系啤酒架喇，无错，最后都系嘉士佰，哈哈，happy hour buy one get one good 呀。