蔥仔越南包

营业中

休息中

食过最好食嘅越南包估唔到系喺大角咀 铺头细细疫情下全部转晒外卖 但系个个包都即叫即整 而且就算有好多张单老板依然系认真咁制作 冇偷工减料 可以感受到佢对食物的热情 全店主要食物就净系得越南包 可以选择加汤或者蔬菜伴碟 今次要一个九吋越南包 即使买到返屋企食 个包依然系脆身烟韧 里面包住馅料非常丰富 每一啖都咬到唔同嘅滋味 有爽脆嘅 腌萝卜丝 咸香嘅肝酱 软滑入面有粒粒爽口嘅扎肉 蒜香鸡肉 再加埋葱芫茜 同埋辣椒 滋味喺口中爆发 每一样食物独当一面 但又唔会互抢风头 食完超级满足 欲罢不能 要啜干净每一只手指💛铺头细但午市生意好，如果唔想等太耐要WhatsApp 落定单。