寶琳粉仔 (已結業)

食左宝琳粉仔好多年了，由老板踩单车接单食到佢有铺头。呢间粉仔系我食过咁多间粉仔觉得最好食嘅一间。佢嘅汤底浓而不稠，粉仔虽然唔讲得上爽滑弹牙，但都算好有口感，唔系一条条浸淋乌冬，听讲系老板亲自打嘅（？）而老板亦非常细心，将汤料分开装，确保你攞到返屋企啲花生呀菜甫呀猪油渣呀都唔会淋哂。佢嘅辣度亦有得你拣，大辣到BB 辣都得，我每次都食少少辣，觉得已经好够味。而且咁多野加埋都只系16蚊一碗，实在系性价比极高呀！