Sol House Oyster Bar and Restaurant

今次要介绍呢一间位于荃湾嘅Sol House Bar and Restaurant，系我最近食过最好食嘅高级西式餐厅。呢个烤焗和牛骨髓配阿根廷香草酱，牛骨髓经烤焗后油脂感满满，加上香草酱好有意式风味，再加上法包一齐食，超正。呢个太平洋蚝周打汤超浓郁，入口幼滑。呢系香煎日本松叶蟹饼配金苹果蓉、鸡尾酒，卖相好精致，切开脆卜卜嘅外层，入面就系超满嘅蟹肉😋 金苹果蓉同鸡尾酒酸酸甜甜带点酒香，呢个调味好夹。呢个系法式宝云酥焗美国羊扒配烤菜，甜薯蓉，卖相同样吸引，本身好怕食羊嘅我意外地又钟意食呢个，因为佢唔会有羊膻味，而且肉质厚切多肉汁，外皮酥脆香口。