百利火鍋海鮮酒家 (已搬遷) 新店位置

朋友话去打边炉，事先讲明环境好差但好食！已经book咗枱，点知8点几去到，门口已聚集大量人群！订咗枱都冇位！等咗大概大半个钟(仲要识人先咁快)，终于有得食！ 朋友点咗蝴蝶牛腩锅！牛腩都算淋，汤底味道清新！ 虾丸！爽兼弹牙，而且仲可以见到有虾肉喺里面！系我食过最新鲜同埋最好食既虾丸！深海泥猛！好滑，即叫即㓥...其他火锅料，如鱼标、手切牛、菜、鱼滑等等，都新鲜好味！系一间以新鲜做主打既火锅店，九点后牛肉仲有折架！