板神鉄板燒日本料理 (駿業街)

营业中

休息中

好耐冇食过咁高质既铁板烧首先餐厅装修高档，有房间间隔，环境舒适，职员殷勤有礼，频频加茶。师傅系客人面前制作，简直系视觉同味觉上既享受，而且师傅好nice，所以食得好自在。点左套餐，有前菜、沙律，有龙虾同鲍鱼拣，我地拣左龙虾，除左师傅烧得d龙虾好香，佢仲加左d用虾膏整既酱汁系面，为美味既龙虾再加分！龙虾头都唔会嘥，职员会攞去煲汤，所以之后个汤又见返龙虾头。本身唔系特别钟意鱼，但师傅将个银鳕鱼烧到表面好香口，而鱼肉仲系滑滑，食唔停口。全晚最爱:A5和牛薄烧，好味到晕，师傅仲可以因应客人喜好整生d或者熟d。最钟意睇师傅整和牛炒饭，每个环节都好认真，整出黎当然亦都好美味！最后食埋个雪糕真系好满足呀！