Bove (已結業)

梳乎厘班戟热潮退后，留得系度都有一定名气，之前一直想试依间，但无奈一直揾唔到！今次偶然转角发现，果然揾食唔能够靠地址，原来仲有几间一直无发现。当日某此原因好多舖无开，人流亦比平时少，所以难得有开都只系等几份，当然每份时间都好长，但唔算过份。原味配蜂蜜，刚食完辣蜂蜜非常适合，甜度刚好，粉开得几滑，微蛋香，欣赏佢厚身之余中间亦唔会流心。自从流行半熟蛋糕，样样都话要流心，细个学做蛋糕，中间液态叫失败！更唔好话流心。蛋糕用生鸡蛋，唔熟你话滑蛋都系梗？梗面粉未熟实多人消化唔到吧？当然肠胃好未得，但我只接受到微湿，流心真系太过份，而佢嘅微湿令质感似布甸，唔会空气感太重，价钱亦合理，可以话系热潮中食过最好嘅乎厘班戟！