九龍餐室

营业中

休息中

香港揾食艰难，揾好野食更艰难，冇谂过我只系叫个普通茶餐厅一定食到嘅野，都可以食到我想即刻写食评，而我所叫嘅野食就系星洲炒米。依维基百科所讲，星洲炒米的「星洲」是指新加坡，但是却起源于香港，分别有香港和马来西亚（各有两种不同的派别）。而港式星洲炒米的食材通常包括叉烧、虾仁、芽菜、鸡蛋、洋葱和辣椒丝，并会加入咖喱粉或咖喱酱，令炒米粉变成金黄色，并充满香辣的味道。图中所见，当个星洲粉米黎到我面前，我呆左三秒，点解可以咁黄金色嘅？我再翻一翻个米粉底，依然咁黄金色，原因好简单，因为系一啲料都冇，百分之99.9系米粉，0.1系料，而啲料系两少旧小叉烧，一个虾仁，三条洋葱，三丝火腿，表面仲有少量芝麻（真系别出心裁），咁就52蚊。讲真，我唔想浪费食物，最后我食左三啖，咁整出黎，好难再食落去咯，完全系食紧斋咖哩粉炒米。我都食过九龙餐室其他分店，真系好食好多。可能有人会话，你唔即刻同侍应讲咁煮出黎都得嘅，但系我想讲正常煮一碟野食，都要我落单前讲要一碟星洲炒米正常版？叫佢地换一碟，可能哩碟米粉就咁倒左，更加浪费食物。