紅豆冰室

营业中

休息中

几日前同老婆到新开张荃湾红豆冰室食下午茶，我叫下午茶餐干炒牛河，都叫中规中矩，但老婆叫正价焗海鲜饭，嚟到用匙羹拨开，见到竟然得几粒蟹柳和几片鸣门卷，一只冇头八爪鱼仔和芝士汁，咁都叫海鲜饭，全碟得只八爪鱼须可以算系海鲜，因我老婆十分钟意食焗海鲜饭，如餐厅有都会试下整得好唔好食，味道都未试，见到海鲜配料唔对路，竟然连食过最衰得几粒虾仁和鱼块粒都冇，原来没有最衰，衹有更衰，叫姐姐过嚟问下，姐姐叫上司跟进，有位女上司同我地讲，不嬲佢地冰室焗海鲜饭就系咁嘅配料，我当然要取消，佢仲叫我地以后系佢地集团餐室，唔好再叫佢焗海鲜饭，我地仲会入去食嘢？