蛋記

营业中

休息中

好耐未试过嬲到想写食评。-男朋友话细个都有黎呢间食下鸡蛋仔，又有芝士味，芝士迷既我就试下蛋记啦。都几多人排。大部份人都系黎买佢既格仔饼！-系女人整既！男朋友话佢个仔会整得好d，我比咗钱先讲，玩野咩！都有d唔卫生，我见佢系咁用手收钱，但又徒手拎芝士粉，再徒手帮人地d格仔饼搽野。-呢底已经系我第二底，因为佢挂住整其他人d野完全无理到我个鸡蛋仔。第一底干到不行，我真系顶唔顺要换过。廿二蚊㖞。排我后面差唔多有十个人都拎晒野食走晒，我先得到第二底。-呢底都劲差，完全唔合格。首先佢一拎出黎已经烂晒，上下两面可以系完全分离。咁唔合格既鸡蛋仔其实好少有。打开中间个芯，系完全无任何厚度。一d口感都无。佢既蛋浆都系无蛋味。芝士都完全唔咸香。-总结，我真系觉得呢廿二蚊买咗底垃圾，我唔会再比机会去试多次，完。