泰昌餅家 (屯門市廣場2期) (已結業)

有啲事要到包屯市做，经过泰昌见姐姐好落力叫卖：买一个蛋挞加多一蚊多一个!! 见咁平原本都想买两只同小朋友一人一只，但小朋友似乎对佢哋支豆浆更感兴趣，于是乎打算放弃蛋挞 只买支豆浆俾小朋友就算，点知姐姐话买豆浆加$3有个蛋挞，哇～即$9(豆浆)+$3(蛋挞)=$12就有一个简单下午茶咁滞，紧系要啦！蛋挞因为系只买一个，所以都只系简单地用个保鲜袋装住，拎过手唔系暖，系热，好热，热到辣手，蛋挞唔知系唔系因为新鲜原故个曲奇皮好香口，而个馅蛋味好突出但似乎白糖落得多左。豆浆亦系难得地豆味浓，真系比较少有