拉麵天王

营业中

休息中

好多年前试过佢既限定虾味噌限定天王，已经觉得好好食。之后每次嚟都会食黑天王。最近呢半年出左限定嘅胡椒天王，真心觉得系世界级。豚骨汤浓厚，加埋好重嘅胡椒味，同车打芝士碎，咁港女嘅配搭，竟然系出奇地香。一闻同埋饮第一啖已经觉得不得了，好想饮晒成个汤。汤底好厚好杰，令到成个面即使系细面都好挂汤。面底系直身细面，个人钟意食偏硬口感，师传煮得刚刚好啱我合味。半熟溏心蛋出色，无得输。叉烧够肥，未够入口既溶，但合格有突。配菜用咗椰菜，中和左拉面既油腻感觉。成间舖格局都系干净企理，师傅店员有礼貌，枱面有齐日本拉面店必备嘅冰柠水，拉面胡椒同芝麻冇假期去日本都可以黎坐下，当自己去左日本。区内有间咁正嘅拉面，其实真系唔想话比人知呀！我敢讲我食过晒香港嘅米芝莲推介/ 有名气嘅拉面，都冇呢间咁出色。多谢老板撤出中国市场，专心为香港人煮好呢碗拉面。