天山小館 (已結業)

虽然唔系成日食新疆菜，但系呢一间嘅手工拌面系我暂时食过最好食嘅！ 所以一定要写食评，大力推介，等多啲人都认识同埋欣赏呢间餐厅嘅招牌菜！首先一入去间餐厅，老板娘已经好热情咁招待，我见menu里边有四川菜，新疆菜，广东菜等唔同选择，佢就推介咗几款... 但系因为本身唔太食羊，所以就试下佢嘅手工拌面，另外仲叫咗个重庆鸡煲同埋士多啤梨骨...老实讲menu本身幅相嘅新疆手工拌面睇落唔太吸引，但系到咗一上菜，份量好大，而且上面好多牛肉，非常足料！一食落去嘅时候好有惊喜，因为老板娘话个面系即叫即拉，面质非常弹牙，个味有少少辣，牛肉好淋，好香， 越食越开胃，大力推荐大家点呢一个菜！至于鸡煲亦都非常足料，个味好香，配白饭食就一流！鸡肉够实而唔鞋口... 至于士多啤梨骨就属于中上，冇话太大惊喜，不过都算系色香味俱全，一上枱嘅时候就已经闻到 士多啤梨嘅香味！虽然天山小馆嘅价钱唔算话好平，每碟都大概一百蚊左右，但系佢嘅份量好足料，好适合几个人嗌𩠌食饭！另外值得一提嘅系佢地请咗听障人士做侍应，所以下次会再嚟试下其他菜式，亦都支持下呢一间餐厅，非常之有心！