影片
更多
2018-05-29
63 浏览
最强玉子遇上最强叉烧人食拉面我食拉面，原来要求可以好唔一样，朋友仔话一定要黎试呢一间嘅汤底，佢话系日本好出名好好好好好味，有鱼有鸡有海鲜味道好鲜甜，我自己系老土人，食亲都系要猪骨汤底，今日一试果然有有意外惊喜！铺头细细大概有20几个座位，钟意佢围住个厨房，可以睇住师傅点样煮面，最特别嘅系佢有一部外国攞嚟切火腿嘅机器，佢哋系攞嚟切叉烧包！搞到我对佢哋嘅叉烧好期待！睇完餐牌我哋决定叫两个面同埋贪心啲一个小食。盐味味玉叉烧拉面 - 贪心地叫咗有四片叉烧同埋流心蛋嘅组合，呢个汤底最特别嘅地方系用咗外国嘅岩盐，我哋两个人一人食半碗自己嘅汤底，最神奇嘅系，明明两个汤底应该系一样嘅，但系出嚟嘅风格完全唔同，超级惊喜！盐味汤底汤头好清，识到有一个好特别嘅味道，原来系橄榄！佢哋系个汤入边加左一啲橄榄碎，令到个味道好fushion！最钟意佢𠮶个芽菜，大大啖面夹入口，口感好丰富！味噌味玉叉烧拉面 - 真系太贪心根本就唔应该叫四片叉烧，根本就食唔晒，不过我超钟意佢呢个汤底，最特别嘅系佢加左好多紫洋葱碎，仲有好多芽菜同埋粟米粒，将所有配料搞完入口大大啖好辛辣，味噌味好香好浓，越辛辣越想食快啲！佢哋嘅叉烧真系有我
人食拉面我食拉面，原来要求可以好唔一样，朋友仔话一定要黎试呢一间嘅汤底，佢话系日本好出名好好好好好味，有鱼有鸡有海鲜味道好鲜甜，我自己系老土人，食亲都系要猪骨汤底，今日一试果然有有意外惊喜！
铺头细细大概有20几个座位，钟意佢围住个厨房，可以睇住师傅点样煮面，最特别嘅系佢有一部外国攞嚟切火腿嘅机器，佢哋系攞嚟切叉烧包！搞到我对佢哋嘅叉烧好期待！睇完餐牌我哋决定叫两个面同埋贪心啲一个小食。
盐味味玉叉烧拉面 - 贪心地叫咗有四片叉烧同埋流心蛋嘅组合，呢个汤底最特别嘅地方系用咗外国嘅岩盐，我哋两个人一人食半碗自己嘅汤底，最神奇嘅系，明明两个汤底应该系一样嘅，但系出嚟嘅风格完全唔同，超级惊喜！盐味汤底汤头好清，识到有一个好特别嘅味道，原来系橄榄！佢哋系个汤入边加左一啲橄榄碎，令到个味道好fushion！最钟意佢𠮶个芽菜，大大啖面夹入口，口感好丰富！
味噌味玉叉烧拉面 - 真系太贪心根本就唔应该叫四片叉烧，根本就食唔晒，不过我超钟意佢呢个汤底，最特别嘅系佢加左好多紫洋葱碎，仲有好多芽菜同埋粟米粒，将所有配料搞完入口大大啖好辛辣，味噌味好香好浓，越辛辣越想食快啲！
佢哋嘅叉烧真系有我块面咁大，最正嘅系佢冇我块面咁油！叉烧真系做得好清爽，好少人会用清爽去形容一块猪肉叉烧，但系佢真系好好味，唔知点解我真系觉得佢哋虽然系日本拉面店，但系所有味道都好有外国嘅特色，包括呢一块做得咁有外国风味嘅叉烧！
只蛋就真系冇得顶！我够胆话我会为咗佢只蛋再返嚟，流心就不在话下，卤水味道啱啱好，重带有少少酒香！连平时唔食蛋嘅朋友都独吞左一只蛋！
我想赞下佢哋嘅面，原来佢哋嘅面比起其他拉面嘅店做得更加爽口，好香面粉嘅味道，原本我以为两碗面嘅面条都系一样，后尾我发觉原来一碗个面系粗啲一碗个面系幼啲，我八卦问咗个店员，原来佢哋会因为唔同汤底吸收汤汁嘅程度去决定用粗面定系幼面，因为佢哋怕客人食得慢会令到个面收太多汤汁变林左，钟意佢哋够细心！
炙烧骰子肉 - 一啖一大粒，猪肩肉烧完入口一啲都唔肥，加埋一个酸味味嘅酱汁同埋大量新鲜嘅日本葱，清爽好味，＄28有好多粒，我哋两个人饱到都食唔晒。
最后要赞下佢哋杯麦茶，我哋叫咗一杯热嘅两份饮，因为见佢可以无限添饮，店员见我哋叫咗就介绍多一句，原来系佢哋自己每日新鲜煲嘅，个麦茶煲得好香好浓郁，入口好舒服！
两个人饱到捧住个肚都系三百几蚊，下次黎唔好咁贪心叫个少啲叉烧嘅份量，贪心啲加多只蛋，再加多杯冻麦茶！
张贴
