喜來稀肉 (瓊華中心)

营业中

休息中

呢2 年最常食嘅韩烧莫过于喜来稀肉，肉嘅品质有保证，仲有任添配菜。 铜锣湾同尖沙咀分店都去过，以暗色木系为主。旺角半年前亦开咗分店，今天第一次去，发现装修以蓝白色为主，比较时尚，而且特设配料自助区包括两份泡菜、凉拌芽菜、腌萝卜同生菜等，仲可以任叫炉边蛋，有原味同芝士味，芝士味食极唔厌。餐厅环境干净，大多系卡位，座位好宽敞，抽风系统可以调较上下，食完都唔会有油烟味。 🔎喜来烧肉 $158招牌肉之一，每次必叫嘅牛肉， 卷成花形，摆碟更加靓，肉质鲜嫩，🔎济洲五花肉$180 油花丰富，超邪恶，烧起嚟超抢火。🔎牛护心肉 $160几有咬口，点下烤肉汁更加惹味🤩🔎烧酒$70一般韩烧餐厅嘅定价，呢个牌子水果味更加易入口，朋友话原味不了。 有埋小酒杯可以慢慢浅尝，一齐干杯。