喜來稀肉 (瓊華中心)

营业中

休息中

今日想食肉，所以就去到一間韓燒店，呢度嘅環境都好闊落有大量嘅卡位唔會好迫，而且抽油系統做得幾好。另外食燒肉店最開心嘅就係有無限增添嘅泡菜、芽菜、生菜🥗、爐邊蛋等等，食前菜都食到好滿足😝😝😝牛肋骨肉 $150🥩牛肋骨肉一條條咁樣擺盤，切得比較有厚度，燒完好香牛味，因為佢冇醃制到，所以加少少鹽就比好食😚喜來韓豚五花肉$180今次就冇食到厚身嗰隻五花肉就試吓呢款薄身少少。半肥瘦嘅五花肉油脂分佈得好好🐖，必食由於係薄切，所以好容易熟。因為本身有調味可以就咁包埋生菜加蒜片以及少少小食一齊食啱啱好豬大腸 $150突然之間有少少想食豬大腸，大腸份量啱啱好，每舊都有少少厚度，燒完之後就可以外脆內軟😍😍水冷麵 $95食燒肉次次都會配個冷麵，因為可以去一去油膩感，而呢度嘅冷麵非常之正宗，清爽亦都夠味，仲有芥末同埋醋可以自己調味🍜Sanitary the premium malt $58🍻🍻燒烤緊係要配啤酒😎凍冰冰一流喜來稀肉 (瓊華中心) (旺角)旺角彌敦道628號瓊華中心7樓

**燒肉初體驗**近日和朋友一起去了一間燒肉店，期待享受美味的晚餐。這間餐廳在OpenRice上的評分頗高，所以我們決定一試。### 環境與設施進店後，環境整潔舒適，但抽氣系統稍弱，油煙稍微影響用餐體驗。### 餐點**一頭牛套餐**這個套餐性價比高，肉質鮮嫩，燒烤後的風味非常不錯。還有自助吧，提供多種小菜，如泡菜、芽菜、生菜等，可以用來包肉，增添口感。**護心肉**豬肉黎講都幾好味，但賣相有可以改進既空間**泡菜**提供的泡菜味道豐富，但其中一款偏辣，適合喜歡刺激口味的朋友。**泡菜餅與辣炒年糕**這兩道菜都偏辣，泡菜餅外酥內軟，辣炒年糕則口感彈牙，兩者都讓人難忘。### 飲品飲料方面，一杯可樂竟然要$30。### 總結整體而言，這間燒肉店的食物質素不錯，服務也算周到。若改善抽氣問題，將會是更好的用餐選擇。價格稍高，但因為有全單八折優惠，還算可以接受。

星期六與閨蜜在旺角逛街後，忽然間很想吃燒肉，立即果斷選擇了這間，週六晚上七點幾也不是很多人，進店後我們坐在卡位，侍應們態度挺好，每個人面帶笑容的👍餐廳座位寬闊，還有自助Bar可以拿取前菜！乾淨衛生，食物方面也不錯的。 我們叫了兩款牛，及一個飯，牛肉肉質鮮嫩，美味可口，紫菜飯，十分惹味，口接一口停不了下來。每次來旺角都係比較喜歡來這裏吃飯，人不多，食物質素佳，服務也不錯，座位寬敞，今時今日在香港實屬難得，重點性價比高，平均每人$280！回頭率百分百💯

朋友聚會book 咗呢到，我都係第一次嚟，地方夠大，多數是卡位好闊落，以藍色梳化及佈置感覺很高級。一坐下店員即時加爐邊蛋一邊芝士味一邊原味😊 QR code 落單很方便，最大賣點是醬料，蔬菜可在自助區任取，連前菜（泡菜，白蘿蔔，大豆芽）都是任食😋 以我地咁好鐘意食大豆芽， 攞咗一大碗返嚟分🤤 用生菜夾燒肉加埋泡菜食係好食好多架😋朋友們想食醬油蟹叫了1set 有兩隻蟹有醬油三文魚及醬油帶子，我第一次食醬油蟹都接受到，醬油不會死咸，飯加入蟹蓋撈埋食好鮮味🤤下次同其他朋友可以再嚟呢到聚會了中。店員有禮行動快速👍

在这家韩烧餐厅的就餐体验让我感到非常失望。首先，餐厅的卫生环境令人堪忧，地板黏糊糊的，走在上面让人感到不适；更糟的是，一些餐具上仍然留有污渍，完全没有给人干净整洁的感觉。其次，所谓的无限任吃小菜，质量却让人失望。泡菜的味道非常差，根本没有想要再吃的欲望，感觉像是随便准备的，缺乏新鲜感。我点了两道菜，酱油蟹和烧牛。酱油蟹的体积相较于其他餐厅非常小，根本不值这个价钱，我甚至要求店员更换。至于烧牛，味道更是让人失望，肉质十分差，嚼起来没有任何口感，完全无法满足我的期待。虽然店员的服务态度尚可，但这并不足以弥补我对餐厅整体体验的失望。总的来说，这次就餐让我感到非常不满意，不会再光顾。

好耐冇食過韓燒，咁岩今日放假，男朋友話想食反之前成日都去食果間韓燒 叫🙌🏻喜來稀肉🙌🏻去到發現依家九點後做緊八八折😍😍好抵食👍🏻👍🏻因為呢間燒肉係散嗌 平時唔做折覺得啲質素唔錯，間中過嚟都可以試吓。不過個價錢可能就中上😂如果要食到飽嘅話我叫咗我最愛嘅牛五花肉 ❤️❤️❤️❤️❤️呢個真係必嗌，佢嘅牛五花肉係用咗啲梨汁去醃製甜甜地點埋佢個燒肉辣醬真係一流😍😍同埋如果食到尾段嘅時候仲可以加塊生菜一齊食解下油膩，10分清爽🤓辣韓豚五花肉❤️❤️❤️❤️❤️ 呢個都係必嗌 佢呢個加咗韓式辣醬醃製 所以個五花肉燒完之後完全唔使點任何醬汁已經好夠味 佢係少少辣辣地再加少少甜味 完全俘虜我的心🤓再加埋蟹籽紫菜飯團一齊食勁正😍講起又想食真雪花牛肉 ❤️❤️❤️❤️ 佢呢個牛味好濃 而且佢啲牛肉靚到你唔使點汁都好好食 但係佢又未至於好似和牛咁入口即溶 話佢係有咬口嘅牛肉👍🏻 不過之前食嗰份量可能冇咁少 可能嚟貨貴咗 因為佢比起其他牛肉價錢貴啲 所以性價比可能冇咁高 但係佢係好食嘅🫶🏻呢間店疫情之前都幫襯咗好多年，因為之前成日都食開佢哋既套餐，有一隻牛嘅拼盤唔使煩佢哋幫我哋揀好啲牛。但係有個好處就係唔係隻隻牛肉都好食😂後尾發現散叫好

壹頭豬 ($480)​牛護心肉 ($160)Orion Draught Beer ($58）(buy one get on free）第一樣要講吓嘅就係現場嘅油煙唔會好大，環境都好乾淨👍🏻餐廳有提供到自助區俾大家去任食泡菜，千祈唔好錯過😙😙食落覺得調味都好好，爽脆之餘都有啲辣辣地，真係非常開胃！！今次就叫咗壹頭豬嘅套餐，款式都係非常之多👏🏻首先就係烤豬皮，非常厚切🤓燒落有好香豬油味，食落都好彈牙，而且亦都帶提供黃豆粉😆 咁就唔使怕豬皮嘅油膩感啦😙 另一樣就係五花肉，亦都非常之入味，食落都唔會覺得太鹹，真係啱啱好😍😍同埋都想講吓爐邊蛋真係有驚喜，完全唔會黐底，同埋蛋香味都好夠，咁樣燒法真係好好食😋評分：9/10旺角彌敦道628號瓊華中心7樓

今次同大佬去左食【喜來稀肉】旺角瓊華分店，地方超大，唔洗等位就可以直接入座，每台之間都有一定距離，卡位勁多亦好闊落，坐得非常舒服。 一坐低，店員就系爐邊放上蒜片、蛋、芝士🧀，而我地就出去拎左少少辣泡菜、豆芽、生菜，以及醬汁，為烤肉作準備。  ⦁喜來烤肉 $158⦁牛護心肉 $160牛護心的肉質嫩而多汁💦，而喜來烤肉肉味較濃。配搭生菜、泡菜等，層次感十足‼️  ⦁醬油蟹 $220平時食開烤肉，今次就嗌份醬油蟹試試‼️除左鮮味十足的蟹外，還配上蟹籽紫菜飯，份量都幾多！ ⦁生牛肉拌飯 $110大大碗飯入面有不少韓式醃菜，配上醬汁去攪拌，味道辣中帶甜，而生牛肉條口感鮮嫩，非常滿足😌😌  

忽然好想食韓國菜，老友提議到旺角的#喜來稀肉。進入餐廳並唔覺有油煙感，環境闊落又有氣氛，仲不時聽到韓國人在傾計，好有feel啊。點好菜後直接去左自助區，有不同款的前菜，味道醃製剛好的泡菜、大豆芽菜、酸白蘿蔔、酸青瓜，仲有沙律同包肉生菜，食肉前要多食菜至得架☺️。調味醬油雞肉，本身己醃製好了，不會過咸，肉質燒烤後亦不會鞋身，配合菜食更健康。真雪花牛肉，牛色澤鮮紅，切得厚薄剛好，只輕輕的燒烤便可以食，入口有即熔感，牛脂味香濃，肉質有彈性，可完全唔點調味料，己很好吃啊😋。再配埋爐邊芝士蛋同前菜一併食，yummy 極了需要吃澱粉質的我們，要了個香氣十足嘅炸醬麵，有很多肉件伴隨，青瓜絲，太陽雞蛋🥚，麵質爽彈，被黑的醬汁覆蓋着，拌勻後食落十分之惹味。Orion 啤有買一送一優惠，啱晒食燒肉時飲，我哋當然會叫番2杯啦☺️。

生小朋友之前，我哋成日都會去食「喜來稀肉」🍖，唔知過咗咁耐，而家仲有冇以前咁好食呢？今次我哋叫咗三盤肉🤩💫喜來韓豚五花肉每次食烤肉都必定會嗌五花肉，肥瘦相間啱啱好！燒到外層香脆，再配埋生菜和蘸料，可以話係一口滿足💫牛五花我個人比較鍾意醃醬汁嘅肉，因為食嘅時候就算唔使蘸醬都好夠味，而且每一塊牛肉都醃得好均勻，唔會一啲鹹一啲唔夠味💫真雪花牛肉牛肉都好高質，都算切得厚，每塊嘅油脂分佈都好平均，入口都好香牛油味，值得推介！餐廳仲有多款韓式小配菜，無限量提供，食客可以食幾多攞幾多🥰 💫結帳後離開餐廳前，記得follow佢哋嘅社交平台，每位都可以得到一杯雪糕😍

相信好多人都聽過喜來稀肉，今次係隔咗一段時間之後再去試下而家嘅質素。首先肉方面，我哋叫左護心肉同埋五花肉，兩款肉質都厚實，份量都多。另外我哋叫咗個豬肉泡菜湯，湯嘅味突出，唔會好辣，亦都有啲蕃茄同泡菜嘅酸甜味，配料都多。另外值得一提，呢度有個自助配菜bar，連泡菜都有分兩種，仲有芽菜、酸青瓜，酸蘿蔔等等，超正，食完好開胃。而且佢漲了都有幾款。總括而言，想食韓燒嘅可以去試吓，下次會想試埋佢哋嘅拼盤、同埋其他熟食

原來旺角喜來稀肉已經搬咗去瓊華喺油麻地地庫嘅時候已經一路食開 而家搬左去瓊華 方便好多 裝修勁新淨👍🏻座位好闊落 仲有卡位坐呢到係半自助形式出面有任拎嘅小菜 例如泡菜，芽菜同埋生菜我地兩個人叫左幾樣野share豬頸肉 次次都係必點👍🏻👍🏻 $150包住生菜食 降低油膩感 正😍牛五花 $158 薄薄地一塊 煎幾秒已經食得 超香另外叫咗個泡菜豬肉鍋 $85熱辣辣好好飲 好夠辣😍😍入邊仲好足料 有豆腐金菇泡菜豬肉仲係三層肉 好正 送飯一流另外必點就係蟹籽紫菜飯團 $50以前可以自己抓飯 而家就會抓埋俾你有九粒大大粒嘅飯團 仲加咗少少鹽就咁食又得 夾埋啲肉一齊食又得 或者加埋泡菜湯都得 正最後一定要食爐邊蛋 芝士蛋真係冇得輸👍🏻👍🏻我見而家做緊活動 follow 社交平台仲可以有免費雪糕食

呢間燒肉店真係由細食到大🤣原來已經10周年🫢今次真係暴露年齡系列🫣🥹不過咁多年佢嘅水準依然維持得咁好，唔怪得可以屹立不倒😂最欣賞係佢無限添食嘅前菜、生菜同芝士爐邊蛋🧀鹹鹹香香芝士味滿滿嘅爐邊蛋，一啲都唔吝嗇，無限添加🥰🥰🥩牛五花 ($158)大大碟切咗薄片嘅牛五花😍質地比較柔軟，每面燒幾秒已經食得，保持到鮮嫩多汁😎🦴牛肋骨肉 ($150)牛肋肉切到一條條，粗粗地有厚度😁冇特別預先醃製，所以牛味比較香濃😌加少少鹽已經好好味，最啱啲鍾意品嚐牛香嘅朋友🤤🍖牛護心肉 ($160)招牌嘅護心肉，即係牛嘅橫膈膜😌呢個我哋次次都叫😋油脂比較少，但口感係爽滑彈牙😍🐙海鮮蔥餅 ($90)材料好豐富😙滿滿嘅香蔥，再加咗多八爪魚同埋魷魚🦑煎到外脆內軟，點埋個汁勁滋味😋

想食韓燒,第一時間真係只會諗起喜來稀肉! 永遠都唔會令人失望的喜來肉肉! 牛護心肉次次都必點的經典牛肉,口感嫩滑,肉質柔軟,自家醃製的肉汁真係好惹味!搭配一些生蒜同韓式辣醬更加出色。韓豚五花肉豬五花較為多脂肪,但肉同脂肪比例完美，烤完再配生菜,泡菜同烤肉醬, 當生菜包咁食冇得輸呀! 韓式大醬湯味道濃郁材料足,豆腐夠嫩滑,湯帶有微辣好開胃~自助吧前菜任食!喜來醃嘅泡菜真係好正! 其次係豆芽同酸蘿蔔,每次都會食唔停haha~環境旺角瓊華分店裝潢比其他分店明顯地更新穎、更有現代感而且座位格局更寬倘舒適,真係加左好多分~~

喜來稀肉 - 旺角的韓式好口味呢間喜來稀肉餐廳位於旺角瓊華中心,提供一系列地道韓國料理,包括韓燒及各式韓國小菜。首先說說餐廳的韓燒部份。佢哋的牛肋肉非常軟嫩,又帶有一點微微的燒焦香味,充滿韓式特色。配合腌製過的韓國泡菜及蒜蓉汁,真係令人胃口大開。另外,韓國菜款式就更加豐富。青口魚糕湯既香濃醇厚,加埋幾粒新鮮肥美嘅青口,好有飽足感。雪濃湯亦非常味道,湯底濃郁,加埋一些薯仔餅,好滋味。餐廳亦設有自助小菜bar,可以任食芽菜、青瓜同埋泡菜等,好好配襯佢哋嘅韓燒同韓國菜。喜來稀肉提供地道韓國美食,食材新鮮,做出嘅菜式味道正宗,而且價錢亦算相宜。如果你鍾意韓國菜,一定要嚟試下呢間餐廳!