名家韓國餐廳

营业中

休息中

一向都好钟意去名家食韩烧,因为环境干净而且味道好。尖沙咀呢间有埋景劲正,不过当然要book位,可惜我就唔记得咗book位,所以一早踩想去，希望有位比我，好彩有。叫咗两个烧嘅，一份牛肉、一份鸡肉。跟住要一个炒粉丝,同埋辣牛肉汤。其实两个人食都好够，加埋佢地啲钱菜,简直饱到上心口。前菜其实都好够份量,而且味道好好,泡菜又够辣,所以食前菜都可以系一种享受。加上我好早到,佢俾咗个窗口位我,可以对住个靓景,享受美食,简直一流！佢哋嘅烧牛肉其实真系好好食,一啲都唔油腻,而且厚度适中,烧起上嚟岩岩好,调味又够,所以一定要食。鸡就冇牛咁好食,不过亦唔系唔好食,只不过牛比鸡好食啲。鸡好入味,而且份量都好大分,简直系抵食。仲有炒粉丝,送到仲热辣辣,味道适中,大大份,粉丝爽口,正!辣牛肉汤系本人最爱,无论去到边一间韩烧,都一定会叫。辣牛肉汤虽然系话辣,但其实唔会好辣,料够多,有牛肉、洋葱、大蒜等等,加上白饭,真系饱啊!服务一向都好满意嘅,有人会主动加水,而且清理碟都好快手,基本上都十分满意，一定会再来!