打邊爐

营业中

休息中

虽然天气好热，但间唔中都会想去打边炉，今次就去咗呢间打边炉度打边炉。-听闻呢间嘅嘢饮都系自家制，我地就嗌咗柠檬薏米水同竹蔗茅根，饮落都几冰冻解渴。-跟住熟食就嗌咗啲风沙椒盐粟米同凉拌木耳，佢哋嘅风沙椒盐粟米都好入味而且唔会太咸，加上天气热嘅时候食返个凉拌木耳都几凉爽-而打边炉嘅汤底我地就嗌咗杏仁猪肺汤汤底十分足料，我地食之前都饮咗几碗，而且猪肺都洗得好干净，食返几旧以形保形-跟住就有两款饺，虽然汤底唔系皮蛋芫茜味，但都可以食呢个皮蛋芫茜饺，芫茜味好重-跟住丸就嗌咗流沙虾丸，而特别想讲嘅系梅菜猪肉丸，佢个梅茶烚完之后都好入味，好似食紧梅菜扣肉丸咁-而其他配菜就嗌咗芝士丸同广岛蚝，虽然系急冻广岛蚝，但烚熟咗之后，都食到佢嘅鲜味，钟意食蚝嘅都可以嗌-而蔬菜盘就咩菜都有，白菜仔、油麦菜、唐生菜咩都有。