孖寶車仔麵

营业中

休息中

放工一个人一于去行吓街，行吓好耐冇行过嘅葵芳广场，行咗一阵有啲肚饿见到「孖宝车仔面」，车仔面瘾即时发作二话不说就已经坐低，车仔面真系由细食到大百食不厌，真香港味道。这里不单止做车仔面还有很多香港的地道小食，卤水鸡髀、猪肠粉、碗仔翅样样有，而且你会发觉有很多街坊都前来帮衬堂食外卖样样有。车仔面配可乐四𩠌车仔面猪大肠、五香猪颈肉、牛腩、鱼皮饺油面，猪大肠咁肥肉厚洗得干净食得放心完全没有异味，五香猪颈肉入口五香味浓郁爽口，牛腩炆得非常入味松化冇渣，鱼皮饺香滑弹牙，加上大量菜甫配上油面最好食的车仔面就已经呈现眼前。卤水鸡髀食完车仔面未，一于整多只卤水鸡髀，卤水鸡髀size都几大只而且卤水味浓郁略带香甜，肉质嫩滑多汁最正就系𠮶块鸡皮，有机会一定要再过来食多几次。