樂天皇朝 (東薈城名店倉)

营业中

休息中

乐天皇朝～大家都唔会陌生，中菜总是百吃不厌。行过路过，唔想错过➰➰好耐冇食过😮‍💨入开东涌 梗系入嚟叹吓茶 食个包啦😋麻辣小笼包（6只）之前食过八色小笼包，最爱川味。所以今次单点吃个够😆川味十足，麻辣鲜香！竹炭流沙包浓浓嘅咸蛋黄味超香，流沙效果唔错，咸咸香香好惹味！😋瑶柱芙蓉赛螃蟹🦀️呢个系每次都会必点嘅菜式，蛋白炒得好嫩滑有水准，瑶柱丝、蛋黄 令淡味嘅蛋白增加风味同口感。猪骨汤年糕烟烟韧韧嘅年糕，吸咗猪骨汤嘅味道，鲜味得嚟又唔会好咸，仲有啲肉丝、鲜菇、绍菜。作为主菜，唔想食炒粉面饭咁肥腻，呢个系唔错嘅选择。桂花酒酿丸子有淡淡桂花嘅香气，感觉好清新唔会好甜。宫廷炉打滚个名好特别🫣原来系北京著名小吃，我都系第一次食咋，虽然系红豆馅，冇想像中咁甜，外面沾上黄豆粉，食落非常软糯香甜。