意粉屋 (已結業)

星期六女友话想食意粉, 就同佢去左意粉屋.拎住个 menu 睇左一阵, 女友话点解无卡邦尼意粉既, 佢好钟意食忌廉芝士类既意粉架.我就一心想食墨鱼汁焗意大利饭. 所以叫左个二人餐.个餐有得拣 "海鲜香草忌廉宽条面". 我估个汁一样咁 creamy. 应该岩哂女友.最紧要系有我都钟意既 "海鲜芝士龙虾汁焗墨鱼汁饭"~餐汤系跟蚬肉周打汤, 另有餐茶.1) 蚬肉周打汤----- 洒面 d 香草好香, 用料足. 啖啖都有蚬肉同薯仔~2) 海鲜香草忌廉宽条面----- 原来都几大碟, 个汁真系好浓滑. 面质岩岩好, 海鲜款式都算多. 有鱼, 小青口, 鱿鱼, 初初以为无虾. 点知原来响碟底. 仲有鲜磨菇, 最紧要够热, 女友都话好好食, 平时细食既佢, 几饱都要食哂成碟宽面~3) 海鲜芝士龙虾汁焗墨鱼汁饭----- 意大利饭烟韧, 未食已经闻到好香既墨鱼汁味道, 海鲜用料同宽条面既差唔多, 劲多芝士, 加上浓郁既龙虾汁, 食每一啖饭都好满足!! 装住焗饭既器皿都算耐热, 食到尾 d 饭都热辣辣架~ 暂时系我食过最满意既墨鱼汁意大利饭!!