牛大人台灣火鍋吃到飽 (荷李活商業中心)

营业中

休息中

入座首先叫汤底先，鱼白汤三文鱼豆腐锅仍然深得我心，豆腐够滑，配埋三文鱼够健康。「黑毛和牛A4+吃到饱」套餐包咗每人两粒牛丸以及一盘海鲜拼盘，牛丸嘅牛味好重😋，海鲜拼盘上面有蛏子、鲍鱼、带子、蚝。等紧水滚嘅时间就食小菜先，今次叫咗BB辣鸡软骨，少少辣，鸡软骨size大小适中，几有咬口，另外酸辣土豆都好开胃。我地仲叫咗炭烧盐葱鲍鱼，虽然系炸鲍鱼嚟嘅，但保留到鲍鱼软腍腍嘅口感🤪。到主角啦，和牛嘅油花好靓，最开心嘅系可以喺出边攞只蛋，捞埋生蛋一齐食超级滋味！另外花雕鸡件、封门柳、牛板腱都唔错。唔同味道嘅海鲜浆eg 旗鱼浆、章鱼浆、墨鱼浆都好有特色。饮品我叫咗珍珠奶茶🧋，雪糕除咗有我钟情嘅Movepick，而家仲有Kitkat脆皮雪糕。